Qazaqstannyń ár óńirinen jınalǵan komandalar arasyndaǵy saıys 19 jeltoqsanǵa deıin jalǵasady.
Qazbek Baıbolov eńbek jolyn týǵan jeri Petropavlda bastaǵan. KSRO chempıonatynyń bes dúrkin kúmis jáne tórt dúrkin qola júldegeri, dopty hokkeıden sport sheberi, Qazaqstannyń eńbek sińirgen jattyqtyrýshysy atanǵan.
Soltústik Qazaqstan komandasynyń bas bapkeri Anatolıı Kývshınıkovtyń aıtýynsha, Q. Baıbolov sııaqty tamasha hokkeıshiniń esimin ulyqtaý, laıyqty izbasasarlaryn tárbıeleý jaǵy umyt bolyp keledi. Osy olqylyqtyń ornyn toltyrýdy maqsat etken deneshynyqtyrý jáne sport basqarmasy birqatar bastamalarǵa qoldý kórsetýde. Sonyń biri– óńirde el kýbogy jarysynyń uıymdastyrylýy.
Aqtóbe oblysy Hromtaý qurama komandasynyń oıynshysy Andreı Semınniń atalmysh sport túrimen aınalysqanyna 9 jyl bolypty. Byltyr kýbokty jeńip alsa, bıyl da úmitti.
«Jarysqa daıyndyǵymyz óte jaqsy. Ataǵymyzdy qorǵaýǵa bar kúsh-jigerimizdi jumyldyramyz», deıdi komandanyń beldi shabýylshysy.
Soltústik Qazaqstan komandasynyń qorǵaýshysy Dıas Erǵalıdyń sózine qaraǵanda,qurama О́skemen, Oral qalalarynda ótken jarystarǵa qatysyp, júldeli 3-shi oryndy ıelengen. Biraz tájirıbe jınaqtapty.
О́mir ESQALI,
«Egemen Qazaqstan»
Soltústik Qazaqstan oblysy
