Qazan qalasyndaǵy «Halyqtar dostyǵy» úıinde ótken sharaǵa Tatarstandaǵy qazaq dıasporasy ókilderi, stýdent-jastar jáne memlekettik mekeme ókilderi de qatysqan.
Qazan ýnıversıteti tarıh jáne halyqaralyq qatynastar fakýltetinde túrkitaný mamandyǵyna oqyp júrgen 3 kýrs stýdenti, osy sharany uıymdastyrýshylardyń biri Rozalııa Eljasova merekelik saltanatty sharaǵa Qazaqstannan barǵan ózge ult ókilderi, tipti tatarstandyq jergilikti jastar da belsene qatysqanyn aıtady. Aıta keteıik, Rozalııa Rafhatqyzy – Qazandaǵy qazaq qaýymdastyǵy jastar qanatynyń jetekshisi.
Qazaqstannyń ár túkpirinen jınalǵan jastar Otanynyń eń ulyq merekesine oraı konserttik baǵdarlama ázirlep, bar ónerin kórsetti.
- Otanymyzdan alysta júrsek te osynaý mereke kúndi biz búkil qazaqstandyqtarmen atap ótkimiz keldi. О́ıtkeni osydan 27 jyl buryn qol jetken táýelsizdik pen azattyq – qazaq halqynyń talaı jyl boıy kúresken armany edi, - deıdi Rozalııa Eljasova.
Sharanyń ótýine Qazandaǵy «Qazaqstan» qoǵamynyń tóraǵasy Saǵıt Jaqsybaev, «Halyqtar dostyǵy» úıiniń basshylyǵy qoldaý kórsetken.
Qazbek QUTTYMURATULY,
«Egemen Qazaqstan»
