Táýelsizdik kúni ómir esigin ashqan sábıler men jas analardy quttyqtaý – Batys Qazaqstan oblysynda dástúrge aınalǵan shara. О́ńir basshysy Altaı Kólginov Oral qalasyndaǵy oblystyq perınataldy ortalyq pen qalalyq kópbeıindi aýrýhanadaǵy perzenthana úıinde Táýelsizdik kúninde dúnıege sábı ákelgen analardy arnaıy quttyqtap, syılyq tabys etti.
- О́ńir turǵyndary atynan Sizderdi meıramdaryńyzben quttyqtaımyn. Sizderge jáne kishkentaı sábılerińizge densaýlyq tileımin, al medısına qyzmetkerlerine alǵysymdy bildiremin, - dedi oblys ákimi ár anaǵa besik arba syılap turyp.
Mundaı erekshe qurmetke jas bosanǵan analar da óte qýanyshty. «Táýelsizdik kúni kelip, bizdi elep jatyrsyzdar. Dárigerlerge kóp rahmet, solardyń arqasynda sábılerimiz dúnıege kelip jatyr» deıdi Aınagúl Serikqalıqyzy.
Densaýlyq saqtaý basqarmasynyń málimetinshe, mereke kúni óńirde 20 ul, 17 qyz dúnıe esigin ashqan. Sonyń ishinde oblystyq perınataldy ortalyqta 10 ul, 6 qyz, kópbeıindi aýrýhanada 5 ul, 9 qyz, al aýdandyq perzenthanalarda 5 ul, 2 qyz ómirge kelgen. Sábılerdiń de, analardyń da jaǵdaıy jaqsy.
Qazbek QUTTYMURATULY,
«Egemen Qazaqstan»
Batys Qazaqstan
