Kórermender fılmdi kórgennen keıin áserlerimen bólisti.
- Sol kezdegi tarıhı jaǵdaı, Elbasynyń Astana aýysqan kezdegi basty baǵdary qandaı boldy, qandaı qıyndyqtar kezdesti, sonyń bárin fılmnen kórdik. Astana - XX, XXI ǵasyrlardaǵy salynǵan álemdegi biregeı astana, ádemi de jaıly qala. Fılm arqyly Elordanyń qalaı salynyp, qalyptasqanyna kýá boldyq, - deıdi Atyraý qalasynyń turǵyny Maıra Taýkeeva.
Fılmniń alǵashqy kórsetilimine qatysqan Atyraý oblysynyń ákimi Nurlan Noǵaev áserimen bólisti.
- Bul fılmde jańa Astana salynǵan kezdegi barlyq qıynshylyqtar, osy joldaǵy Elbasymyzdyń qol jetkizgen tabystary jaıly aıtylady. Men kınofılmnen keremet áser aldym, onyń bárin sózben jetkizý múmkin emes. Memleket basshysynyń astanany aýystyrý týraly sheshimi alysty boljaǵan óte aqyldy qadam boldy, búgingi Astana álem astanalary arasynda eń ádemi, qazirgi zamanǵy Elorda retinde belgili. Bas qaladaǵy sáýletti ǵımarattardy Atyraýda da salý josparda bar. Barshańyzǵa ýaqyt taýyp osy kórsetilimge kelgenderińiz úshin alǵys aıtamyn, fılm óte qyzyqty boldy, -dedi oblys ákimi Nurlan Noǵaev.
