Sporttyq keshende ámbebap, kúres jáne jattyǵý zaldary bar. Olardyń edenine burynǵydaı aǵash taqtaı emes, ekologııalyq taza jáne tózimdi materıal tóselgen. Jankúıerlerge arnalǵan trıbýnaǵa 160 adam erkin syıady. Jańa nysanda voleıbol, basketbol, fýtbol, ústel tennısi, qazaq kúresi, dzıýdo jáne toǵyzqumalaq úıirmeleri jumys isteıtin bolady. Al keshenniń aýlasyna úsh sport alańqaıy men tennıs korty salynǵan.
S.Seıfýllın atyndaǵy aýylda (Burynǵy Jaryq stansasy) boı kótergen dene shynyqtyrý-saýyqtyrý kesheniniń ashylý saltanatyna Shet aýdanynyń ákimi Marat Jandáýletov, Qaraǵandy oblystyq dene shynyqtyrý jáne sport basqarmasynyń basshysy Dmıtrıı Karpov, oblystyq dzıýdo federasııasynyń prezıdenti Evgenıı Kondratev qatysyp, jıylǵan qaýymǵa quttyqtaý sóz arnady. Al sambodan álem chempıony Beıimbet Qanjanov jerlesterine júldeleriniń birin eskertkish syılyq retinde tabys etti.
Qaırat ÁBILDA,
«Egemen Qazaqstan»
Qaraǵandy
