G.Ábdiqalyqova Memleket basshysynyń iltıpatyna ıe bolǵan jáne elimizdiń damýyna erekshe eńbek sińirgen azamattarǵa ulttyq merekemiz – Táýelsizdik kúniniń qarsańynda memlekettik nagradalar tapsyrý ıgi dástúrge aınalǵanyn atap ótti.
Sondaı-aq ol elimizde aýqymdy jańǵyrý úderisteri júrgizilip jatqanyn, onyń aıasynda álemniń ozyq damyǵan 30 eliniń qataryna qosylýǵa baǵyttalǵan «Qazaqstan-2050» Strategııasy iske asyrylyp, Ult jospary, Úshinshi jańǵyrý jáne Prezıdenttiń áleýmettik bes bastamasy qabyldanǵanyn tilge tıek etti.
– Memleket basshysy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda jáne «Uly dalanyń jeti qyry» tujyrymdamalyq maqalasynda damýymyzdyń jańa basymdyqtaryn aıqyndap berdi. Osynyń barlyǵy zor jaýapkershilik pen jańa mindetter júkteıdi, − dedi Memlekettik hatshy.
Memleketke jáne qoǵamǵa sińirgen eńbegi, halyqtar arasyndaǵy dostyq pen yntymaqtastyqty, eldiń áleýmettik-ekonomıkalyq jáne mádenı damýyna, ulttyq qaýipsizdigi men qorǵanys qabiletine qosqan eleýli úlesi úshin III dárejeli «Barys» ordeni Qyzylorda oblysynan kelgen «Rza» AQ prezıdenti S.J.Imandosovqa, «Ardagerler uıymy» respýblıkalyq qoǵamdyq birlestigi ortalyq keńesi tóraǵasynyń birinshi orynbasary О́.Ozǵanbaevqa, II dárejeli «Dańq» ordeni Qaýipsizdik Keńesiniń bólim meńgerýshisi B.J.Qurmanbaevqa, «Parasat» ordeni «Egemen Qazaqstan» Respýblıkalyq gazeti» AQ basqarma tóraǵasy D.Q.Qydyrálige, Abaı atyndaǵy Qazaq ulttyq pedagogıkalyq ýnıversıtetiniń professory A.E.Ábilqasymovaǵa, Prezıdent Ákimshiliginiń bólim meńgerýshisi M.E.Dáýeshovke, Prezıdent Ákimshiliginiń bólim meńgerýshisi K.A.Dmıtrıevıchke, Prezıdenttiń Baspasóz hatshysy A.Y.Úkibaıǵa, Almaty oblysy Balqash aýdanyndaǵy «Birlik» Agrofırmasy» JShS prezıdenti Á.О́.Qystaýbaevqa, Prezıdenttiń Baspasóz hatshysynyń orynbasary B.J.Omarovqa, Eýrazııalyq damý bankiniń Bishkektegi ókildiginiń dırektory S.D.Pirimbetovke, Qazaqstan Respýblıkasynyń Tuńǵysh Prezıdenti − Elbasy kitaphanasy dırektorynyń birinshi orynbasary Á.M.Rahymjanovqa, Qazaqstan halqy Assambleıasy tóraǵasynyń orynbasary I.T.Saljanovqa, N.Tilendıev atyndaǵy Kishi óner akademııasynyń dırektory D.S.Tasqarınaǵa, kórkem gımnastıkadan Shymkent qalalyq olımpıadalyq rezervtegi mamandandyrylǵan balalar-jasóspirimder sport mektebiniń dırektory Á.M.Iýsýpovaǵa berildi.
Al II dárejeli «Dostyq» ordeni Q.Qýanyshbaev atyndaǵy memlekettik qazaq drama teatrynyń kórkemdik jetekshisi T.D.Temenovke berilse, «Qurmet» ordeni «Kazmorttransflot» kompanııasynyń qarjylyq dırektory A.Ú.Aqqaısıevaǵa, Prezıdenttiń kómekshisi E.K.Jamaýbaevqa, Túrkistan oblysynyń klınıkalyq aýrýhanasynyń bólim meńgerýshisi N.A.Jarqynbekovaǵa, kompozıtor M.D.Ilııasovqa, Almaty memlekettik bıznes kolledjiniń dırektory G.Q.Qasymovaǵa, Ulttyq aýdarma bıýrosynyń atqarýshy dırektory R.Kenjehanulyna, Mádenıet jáne sport vıse-mınıstri A.R.Raıymqulovaǵa, Memlekettik kúzet qyzmeti Prezıdent orkestri án jáne estrada ansambliniń jetekshi solısi K.M.Tólenbaevaǵa berildi.
III dárejeli «Eńbek Dańqy» ordenimen «B.Nurjanov atyndaǵy «Ekibastuz GRES-1» JShS mashınısi J.S.Baýbekov, Aqmola oblysyndaǵy «Vıktorovskoe» JShS mehanızatory O.V.Ýfımsev marapattalsa, «Qazaqstannyń eńbek sińirgen qaıratkeri» qurmetti ataǵy Astana qalasyndaǵy «Astana Opera» memlekettik opera jáne balet teatrynyń operalyq trýppasynyń jetekshi solısi M.J.Baıneshke, Astana qalasyndaǵy Jastar teatrynyń akteri D.S.Serǵazınge, Almaty qalasyndaǵy Ǵ.Músirepov atyndaǵy qazaq memlekettik akademııalyq balalar jáne jastar teatrynyń ártisi L.Z.Serikovaǵa berildi.
Sońynda Memlekettik hatshy Gúlshara Ábdiqalyqova rásimge qatysýshylardy Táýelsizdik kúni merekesimen quttyqtap, zor densaýlyq, otbasylyq baq-bereke jáne eńbekte tabys tiledi.
Erkejan AITQAZY,
«Egemen Qazaqstan»
