Jıyn barysynda baǵdarlamanyń aıasynda qol alynǵan jobalardyń júzege asý barysy jaıynda egjeı-tegjeıli áńgime boldy. Bul oraıda, janǵa jaǵymdy jańalyq ta joq emes. Oblystyq ishki saıasat basqarmasy «SMART rýhanı Aqmola» mobıldi qosymshasyn iske qosyp otyr. Mobıldi qosymshany júktegen adam mádenıet, qaıyrymdylyq jáne mesenattyq týraly, óńirdegi tarıhı tulǵalar arqyly málimetterdi jedel ári tolyq ala alady. Sóz arasynda Qazaqstanda mundaı qosymshanyń ázirge balamasy joq ekendigin de aıta ketkenimiz oń bolar.
–Mundaı múmkindik qasıetti Kókshe dalasyn erkin aralap, tylsym tarıhty tumshalap jatqan kıeli jerlermen tereńirek tanysýǵa mol múmkindik bermek,–deıdi oblystyq ishki saıasat basqarmasynyń basshysy Gúljanar Shókeeva.
Jıyn barysynda oblystyń «Interaktıvti kartasy» jobasynyń tusaýkeseri de ótkizildi.
–Kartanyń negizgi maqsaty kásipkerler men turǵyndarǵa bos jatqan jer telimderin kórsetý. Ázirge túsken málimetterge qaraǵanda, oblys ortalyǵynda 23, al, oblys boıynsha 379 bos jer telimi engizilip otyr,–deıdi «Kazakhstan Innovation» qoǵamdyq qorynyń jetekshisi Márııam Ábisheva.
Búginde memleketti qyzmet túrlerin avtomattandyrý barysynda da birqatar jumystar júzege asyrylýda. Mysal úshin aıta keteıik, óńirdegi 24 halyqqa qyzmet kórsetý ortalyqtarynda kórsetiletin 195 memlekettik qyzmettiń 93-i avtomattandyrylǵan.
Baıqal BAIÁDIL,
«Egemen Qazaqstan»
Aqmola oblysy
