Mańǵystaý aýylynda alǵash ashylǵan zamanaýı 500 oryndyq ortalyq 7000 sharshy metrdi quraıdy. Kitaphanasy bar mádenıet úıi Elbasynyń «Rýhanı jańǵyrý» baǵdarlamasy aıasynda «Nord Kaspıan Opereıtıng Kompanııasynyń» áleýmettik mindettemeleri baǵdarlamasymen salyndy. Jospar boıynsha bul ǵımaratta kitaphana, konferens zaldar, úıirmeler, úlken kórermen zaly, 2 horeografııa zaly, 33 jabyq aýdıtorııalar qarastyrylǵan.
Jańa nysannyń ashylý saltanatyna aımaq basshylyǵy men aýdan turǵyndary qatysty. Halqynyń sany jaǵynan oblystaǵy aldyńǵy qatarly aýdan sanalatyn Munaıly aýdanynda táýelsizdik merekesi qarsańynda ashylǵan eńseli Mádenıet úıi endi óz turǵyndaryna jan-jaqty qyzmet etetin bolady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
