Almaty qalasy Densaýlyq saqtaý basqarmasynyń basshysy Qanat Tósekbaevtyń aıtýynsha, emhananyń 1939 jyly salynǵan eski selolyq aýrýhananyń ornyna salynǵan. Zamanýaı jabdyqtalǵan medısınalyq mekeme Taýsamaly, Tastybulaq, Taýjoly, Qaraǵaıly, Quramys jáne Qarǵaly syndy eldi mekenderdiń 30 myńǵa jýyq turǵyndaryna qyzmet kórsetetin bolady. Sonymen qatar Jol kartasynyń barysyna oraı sıfrlandyrýdyń arqasynda syrqattarǵa qyzmet kórsetý ýaqytyn 20%-ǵa, kezek kútýdi 30%-ǵa qysqartýǵa, dárigerdi úıge shaqyrýdy 1,5 ese jedeldetýge qol jekizilgen.
«Saıaly» yqsham aýdanyndaǵy qazaqsha dáris beretin 320 oryndy №186 bala baqshada mektep jasyna deıingi mekemede 16 top bar. Onyń árqaısysynda balanyń jasyna qaraı oqytýdyń ózindik ádisteri - Montessorı, Denesh bloktary, qum terapııasy jáne basqalary qoldanylady. Baldyrǵandardy qabyldaý 19 jeltoqsannan bastalady. О́tinishter «Open Almaty» qoǵamdyq qabyldaýy arqyly júrgiziledi.
Sońǵy on jyl ishinde Alataý aýdanyn damytýǵa 430 mlrd. teńge jumsalǵan. 30 myńnan astam jumys oryndary ashylyp, 2,7 mln sharshy metır turǵyn úı salynsa, 12 mektep jáne medısınalyq mekeme, 98 memlekettik jáne jeke bala baqshalar ashyldy. Al sońǵy úsh jyl ishinde Naýryzbaı aýdanynda bes medısınalyq mekeme, eki memlekettik mektep, eki memlekettik jáne 65 jeke bala baqsha salyndy. Aýdannyń ákimshilik-iskerlik ortalyǵynda aýdandyq ákimdik, HQKO, AHAJ, prokýratýra, sot jáne basqalary ornalasqan.
Elvıra SERIKQYZY,
«Egemen Qazaqstan»
ALMATY
