Áýeli oblys ákimi Asqar Myrzahmetov búginde elimizde jastarǵa patrıottyq tárbıe berý erekshe qarqyn alǵanyn, bul máselege qatysty Elbasy Joldaýynda jan-jaqty aıtylǵanyn áńgimeledi. Al mınıstr Nurlan Ermekbaev óz sózinde Elbasy Joldaýynda aıtylǵan tapsyrmaǵa oraı, elimizde «Jas sarbaz» balalar men jasóspirimder áskerı-patrıottyq qozǵalysy» respýblıkalyq qoǵamdyq birlestigi qurylǵanyn, atalǵan sharaǵa Prezıdenttiń ózi qatysqanyn, nátıjesinde belsendi jumys júrgizilip jatqanyn aıtty.
Sonymen qatar, mınıstr Taraz qalasyndaǵy «Jeńis» saıabaǵy jastarǵa patrıottyq tárbıe beretin erekshe ortalyq ekenin aıta otyryp, oblys ákimine oblysta «Jas sarbaz» balalar men jasóspirimder áskerı-patrıottyq qozǵalysy» respýblıkalyq qoǵamdyq birlestiginiń oblystyq fılıalynyń úılestirý keńesin qurý jáne aýdandar men aýyl mektepterinde de atalǵan birlestiktiń fılıalyn ashý, atalǵan fılıaldardy arnaıy formamen, pedagogtarmen, tehnıkalyq jabdyqtarmen qamtamasyz etý týraly usynysyn jetkizdi.
Asqar Myrzahmetov Jambyl oblysy «Jas sarbaz» fılıalyn alǵashqylardyń biri bolyp qurǵanyn, endigi maqsat elimizdegi jańa deńgeıge kóterilgen aldyńǵy qatarly fılıal bolý ekendigin aıtty. Budan keıin «Jas sarbaz» balalar men jasóspirimder áskerı-patrıottyq qozǵalysy» respýblıkalyq qoǵamdyq birlestigi Jambyl oblystyq fılıalynyń tóraǵasy Ashat Oljabaev sóz alyp, búginde fılıal jumysynyń qarqyndy ekenin, jastarǵa patrıottyq tárbıe berý maqsatynda óńirde 20 klýb, 14 úıirme jumys atqaryp otyrǵanyn jetkizdi.
Kezdesý barysynda Qazaqstan Respýblıkasynyń Qorǵanys mınıstri Nurlan Ermekbaev, Jambyl oblysynyń ákimi Asqar Myrzahmetov jáne «Jas sarbaz» balalar men jasóspirimder áskerı-patrıottyq qozǵalysy» respýblıkalyq qoǵamdyq birlestiginiń tóraǵasy Meıirbek Meńdiǵalıev úshjaqty memorandýmǵa qol qoıdy.
Hamıt ESAMAN,
«Egemen Qazaqstan»
