Otandyq ári gazben jumys isteıtin avtokólikterdiń árqaısysy GPS-navıgatorymen jáne vıdeo-aýdıo anyqtaǵyshtarmen jabdyqtalǵan. Osyndaı málimettermen bólisken Almaty qalasy IID bastyǵy Serik Kúdebaev jol-patrýl qyzmetiniń planshetter, tóskeýdelik vıdeoregıstratorlarmen qamtamasyz etilgendigin jetkizdi. Ozyq tehnologııalyq jetistikter qala polıseılerine hattamalardy elektrondy túrde tirkeýge múmkindik beredi. Al aldaǵy jyldyń birinshi toqsanynan bastap aıyppuldardy tártip buzylǵan aýmaqta bank kartasy arqyly birden tóleý múmkindikteri qarastyrylǵan.
Qazirgi kezde qala polısııasynyń avtoparki kólikpen tolyq qamtamasyz etilgen. Almaty qalasynyń ákimi Baýyrjan Baıbektiń aıtýynsha, bul óz kezeginde polısııa jumysyn barynsha jeńildetedi ári jedeldetedi. Qaýipsizdik júıesiniń sandyq júıege kóshýi sybaılas jemqorlyqpen kúresýge de múmkindik beredi. Al qalada beınebaqylaý kameralary sanynyń artýy aıyppul salý maqsatynda emes, kólik qozǵalysyn tártipke shaqyryp, jol-kólik oqıǵalaryn barynsha azaıtýǵa baǵyttalyp otyr. Sońǵy úsh jyl ishinde qala bıýdjetinen polısııany jabdyqtaýǵa jetkilikti qarjy bólingen, sondyqtan da qaýipsizdik máselesinde quqyq qorǵaý qyzmetkerlerinen barynsha jumys tıimdiligi talap etiledi.
Búginde qala polısııasy materıaldyq-tehnıkalyq turǵydan barynsha qamtamasyz etilgen. Sońǵy úsh jyl ishinde 468 qyzmettik kólik alynsa, «102» qyzmeti jetildirilip, operatorlar sany 2,5 esege kóbeıgen. Sáıkesinshe olardyń jalaqysy da 3 esege ulǵaıyp otyr.
Elvıra SERIKQYZY,
«Egemen Qazaqstan»
ALMATY
