Marat aǵa oblys, aýdanda ondaǵan qurylys ǵımarattaryn salǵan, óńirde birinshi bolyp sonaý senseninshi jyldary «Aıdyn» atty qurylys kooperatıvin qurǵan jańashyl azamat bolatyn. Amal bar ma, jańashyl aǵamyz osydan 26 jyl buryn 58 jasynda ómirden ótti. Bul týrnır buryn Qaırat Maratulynyń jubaıy, Shyǵystaǵy tuńǵysh kásipker áıel Ánııa Jambylqyzyn eske alýǵa arnalǵan bolatyn. Týrnırdi uıymdastyrǵan Aýǵan soǵysynyń ardageri, «Qurmet» ordeniniń ıegeri Qaırat Mýsınniń esimi keńinen tanymal, Qasym Qaısenov kentinde meshit, ardagerlerge arnalǵan memorıal salyp bergen.
Týrnırge Zaısan, Besqaraǵaı, Ulan, О́skemen, Semeı qalalarynan 11 komanda qatysty. Onyń saltanatty ashylýynda Marat aǵanyń jubaıy Márzııa apaı, zamandastary, mesenattar qatysty. Tartysty ótken týrnırde aqtyq saıysqa «Altaı», Qurylysshylardyń Mádenıet saraıy jáne aýǵan soǵysy ardagerlerinen qurylǵan komandalar shyqty. Osy úsh komanda júldeli oryndardy ıelendi. Birinshi oryn alǵan komandaǵa 500 myń, ekinshi, úshinshi orynǵa taban tiregenderge tıisinshe 300,200 myń teńge berildi. Basqa ardagerler de gramotalar men eskertkish syılyqtarǵa ıe boldy.
- Maqsatymyz buqaralyq sportty damytý, Elbasynyń Joldaýynda aıtylǵan mindetterdi oryndaý. Aldaǵy ýaqytta týrnırdi respýblıkalyq dárejege jetkizýdi kózdep otyrmyz. Qarańyzdarshy, jasy 50, 60-tan asqan aǵalarymyz voleıboldy qalaı sheber oınaıdy,-deıdi Qaırat Maratuly.
Týrnır aıaqtalǵan soń Marat aǵaǵa arnalyp quran-qatym túsirildi.
Ońdasyn Elýbaı,
О́skemen
