Palata Spıkeri elshi myrzanyń qazaqstandyq-japondyq qarym-qatynasty, sonyń ishinde, parlamentaralyq baılanysty nyǵaıtýǵa zor úles qosqanyn atap ótti.
Qazaqstan Prezıdenti Nursultan Nazarbaevtyń Japonııany mańyzdy strategııalyq áriptes retinde baǵalaıtynyn alǵa tartqan Májilis Tóraǵasy Astana men Tokıo arasyndaǵy dástúrli dostyq qatynas búginde ózara tıimdi áriptestik jáne yntymaqtastyq negizinde joǵary deńgeıde damyp kele jatqanyn atap ótti.
Osy rette taraptar bizdiń elderimiz basshylarynyń turaqty kezdesýlerine nazar aýdaryp, Qazaqstan Prezıdenti Nursultan Nazarbaevtyń jáne Japonııa Premer-Mınıstri Sındzo Abeniń ózara is-saparlary ekijaqty qatynasty damytýǵa jańa serpin bere otyryp, ony keńeıtilgen strategııalyq áriptestik deńgeıine jetkizgenine toqtaldy.
О́z kezeginde I. Kavabata elshilik qyzmetin Qazaqstan úshin mańyzdy, tarıhı kezeńderde tabysty atqarǵanyn aıta kelip, Qazaqstannyń damý qarqynyna joǵary baǵa berip, birligi jarasqan halyqtyń yntymaǵyna rızashylyq sezimin bildirdi.
