- Mańǵystaý oblysynda kásipkerlikti damytýǵa «Damý» qorymen 1,8 mlrd teńge, Mańǵystaý oblystyq ákimdigimen 900 mln teńge bólindi. Osylaısha, «Nur Kapıtal» aımaqtyq baǵdarlamasyn iske asyrýǵa baǵyttalǵan qarajattyń jalpy somasy 2,7 mlrd teńgeni qurady. Baǵdarlama Aqtaý qalasyn qospaǵanda, Mańǵystaý oblysynda tirkelip, jobalaryn júzege asyryp júrgen shaǵyn jáne orta kásipkerlik sýbektilerin qarjylandyrý úshin ázirlengen. Kásipkerler úshin aqyrǵy mólsherleme 1%-dy quraıdy, nomınaldy mólsherleme jyldyq 8,5%-dan kóp emes, 7,5%-y sýbsıdııalanady, bir qaryz alýshyǵa qoıylatyn lımıt 30 mıllıon teńgeden aspaýy kerek. Bul baǵdarlama boıynsha «Sberbank» AQ EB, «ForteBank» AQ, «Halyq banki» AQ JF, «Halyq banki» AQ MOF, «Bank Sentr Kredıt» AQ bankteri áriptes bolýda, deıdi «Damý» qory Mańǵystaý oblysy boıynsha aımaqtyq fılıalynyń dırektory G.Qalymbetova.
1 paıyzben nesıe beretin atalmysh joba elimizde alǵash ret Mańǵystaý oblysynda bastaldy. Keler jyly atalǵan jobany ózge de aımaqtar júzege asyrýdy josparlap otyr.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
