Bul bilim ordasyndaǵy kompıýterlik ınjınırıng kafedrasynda oqıtyn stýdentterge arnaıy jasaqtalǵan jańa zamanaýı zerthana bolyp tabylady. «Cisco» IT-tehnologııalar salasyndaǵy jetekshi kompanııalardyń biri jáne «Sıfrlyq Qazaqstan» baǵdarlamasyna aıasynda júzege asyrylady. Cisco - joǵary tehnologııalar salasynda mamandanǵan, óıtkeni osy zerthanada bilim alǵan stýdentterge halyqaralyq sertıfıkat beriledi.
Sharaǵa «Yessenov University» rektory Berik Ahmetov, «Nur Otan» partııasy Mańǵystaý oblystyq fılıaly tóraǵasynyń birinshi orynbasary Nýrı Týmyshev jáne fılıal qyzmetkerleri, bilim ordasynyń oqytýshylary jáne stýdentter qatysty.
Zerthananyń ashylýynda sóz sóılegen Nýrı Týmyshev, buǵan deıin birqatar oqý oryndarynda tegin IT-synyptardyń ashylǵandyǵyn aıtyp ótti jáne bul bastamalar «Nur Otan» partııasynyń qoldaýymen júzege asyrylyp jatqandyǵyn tilge tıek etti.
Onyń aıtýynsha, qazirdiń ózinde álemniń kóptegen elderinde saýatty ınjenerler men IT-sala mamandarynyń jetispeýshiligi baıqalady. Kúndelikti ómirimiz aqparattyq tehnologııalarǵa barynsha beıimdelip jatqandyǵynna qaramastan, bul mamandyq ıeleri áli de suranysqa ıe.
Qazirgi qoǵamda ǵylymı-tehnıkalyq progrestiń damýyna baılanysty adam is-áreketiniń barlyq salasynda aqparattyq tehnologııany paıdalaný keń etek jaıdy. Qoǵamdaǵy aqparattyń taralý aýqymynyń tez ósýine qazirgi zaman adamynyń aqparatpen jumys isteı bilý ıkemdiligi oń yqpal etýde. Adam múmkindiginshe kóp maǵlumat alyp, aqparatty barynsha kóbirek ıgerýge talpyna túsýde. Sol sebepti osy salany ıgerý mańyzdy jáne oǵan jastardyń qyzyǵýshylyǵy kún sanap arta túsýi tıis. Eń bastysy qolyna dıplom alǵan mamandar jumyssyz qalmaýy kerek. Al bilimdi jastarǵa jumys qashanda tabylatyny sózsiz.
-Qazirgi zamanda kásiporyn ımıdji jáne saıty – kez-kelgen uıymnyń bolashaǵynyń bar nemese joǵyn kórsetip turǵandaı. Bul rette veb-dızaıner – eń joǵary tólenetin «kompıýterlik» mamandyqtardyń biri bolyp qala bermek. HHI-ǵasyr – jańa aqparattyq tehnologııalar ǵasyry dep beker aıtylmasa kerek, búgingi kúni árbir kompanııa óte joǵary jalaqy men mansaptyq ósimmen yntalandyratyn IT- baǵyttaǵy qyzmetkerlerge zárý ekendigi jasyryn emes.
Álemniń eńbek naryǵy biz oılaǵannan da jyldam ózgere túsýde. Demografııanyń ósýi men tehnologııanyń damýynan 2020 jylǵa qaraı 5 mıllıonnan astam adam jumyssyz qalýy múmkin degen boljamdar jıi aıtylyp júr. Qazirgi tańda damyǵan elderdiń ózi qaı salany meńgergen durys degen suraqqa dóp basyp jaýap qaıtara almaı álek. Dese de, álemdik naryqpen sanasýǵa týra kelip tur. Robottyq tehnologııanyń damýyna septigin tıgizip otyrǵan IT salasynyń mamandary osyǵan deıin de suranysta bolsa, keıin de suranystan túspeıtini anyq, dedi ol.
Gúlaıym ShYNTEMIRQYZY,
«Egemen qazaqstan»
Mańǵystaý oblysy
