«Batys» óńirlik qolbasshylyǵynyń áskerı bólimderinde mamandyq boıynsha daıyndyq bólimshe komandırleri men serjanttarynyń basshylyq etýimen júrgizilýde. Sabaqtardy sapaly ótkizý úshin árbir áskerı mamandyq boıynsha oqý toptary quryldy jáne anaǵurlym daıyndalǵan áskerı qyzmetshiler sanynan nusqaýshylar anyqtaldy.
- Mamandyq boıynsha daıarlyqtyń basty maqsaty – jeke quramǵa óziniń laýazymdyq mindetterine tıisti bilimdi berý, shtattyq qarý-jaraǵy men áskerı tehnıkasyn oqý jáne atys qarýyn qalypty urys jaǵdaıyna keltirýdi úırený bolyp tabylady. Búgingi kúni jalpy sany 2500-den asa jaýyngerler 209 oqý toptary boıynsha, 400-den asa tájirıbeli serjanttardyń jetekshiligimen tálim alyp jatyr, deıdi óńirlik qolbasshylyqtyń áskerleri qolbasshysynyń birinshi orynbasary – shtab bastyǵy polkovnık Nurlan Aldııarov.
Sabaqtar barysynda jeke quramnyń qarý men jaýyngerlik tehnıkany is júzinde qoldanýyna, shtattyq baılanys quraldarynda jumys jasaı bilýleri men alǵashqy medısınalyq kómek kórsetýge kóńil bólinetin bolady.
Mamandyq boıynsha daıyndyq aıaqtalǵan soń oqý materıaldy meńgerý deńgeılerin anyqtaý úshin oqyp-úırenýshi áskerı qyzmetshilermen negizgi oqytý pánderi boıynsha baqylaý sabaqtary ótkiziledi. Mamandyq boıynsha barlyq sanattaǵy áskerı qyzmetshilerdi daıarlaý 2019 jyldyń 4 qańtarynda aıaqtalady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
