- О́zderińizge belgili, oblysty 5-shi ýaqyt beldeýinen 4-shi ýaqyt beldeýine kóshirý, ıaǵnı aımaqtaǵy ýaqytty esepteýdiń qoldanystaǵy tártibin bir saǵat keıinge ózgertý aımaqtyń tabıǵı-geografııalyq jáne áleýmettik-ekonomıkalyq jaǵdaıyna neǵurlym ońtaıly sheshim bolyp tabylatyny jaıly oblys ákimdiginiń usynysy Elbasy tarapynan qoldaý tapty. Úkimettiń «Qazaqstan Respýblıkasy aýmaǵynda ýaqyt esepteý tártibi týraly» Úkimettiń 2000 jylǵy 23 qarashadaǵy №1749 qaýlysyna ózgeris pen tolyqtyrý engizý týraly» 2018 jylǵy 7 jeltoqsandaǵy №817 Qaýlysy qabyldandy. Osyǵan oraı, aımaq turǵyndaryn jappaı habardar etý jumystary jan-jaqty júrgizilýde. Degenmen de, jolaýshylardyń joldan qalyp qoıýy, oqýshylardyń sabaqqa erte barýy sııaqty keleńsizdikterdi boldyrmaý úshin Sizderdiń de jan-jaqty aqparattandyrýǵa atsalýlaryńyzdy suraımyz, - dedi oblys ákiminiń orynbasary.
Baqtııar TAIJAN,
«Egemen Qazaqstan»
Qyzylorda oblysy
