Atyraý oblysy ákiminiń qoldaýymen oblystyq kásipkerlik jáne ındýstrıaldy-ınnovasııalyq damý basqarmasy men О́ńirlik kásipkerler palatasy birlesip uıymdastyrǵan sharaǵa jeke kásipkerlermen birge shaǵyn jáne orta bıznes jetekshileri qatysty.
Atyraý oblysynyń damýyna qosqan úlesteri úshin Atyraý oblysy ákiminiń alǵys hatymen aımaqtaǵy 22 kásipker marapattaldy, al 10 atalym boıynsha júldegerler anyqtaldy.
«Úzdik startap joba» atalymy boıynsha «Nur Rıza» JShS jetekshisi Nurlybek Bısembaev, «Úzdik jas kásipker» - «Dental Angels» JShS dırektory Parasat Bolatov, «Týrızm salasynyń úzdigi» - «Planeta-KZ» kompanııasynyń dırektory Roza Bekenova júldeger bolyp tanyldy. «Úzdik bıznes trener» retinde Arman Azamatov, «Úzdik otbasylyq bıznes» atylymynda «Jer Ana» JShS basshysy Jumabek Shámenov, saýda salasyndaǵy úzdik kásipker «Derjava-K» JShS basshysy Baqytjan Tóleýov marapattaldy. Qyzmet kórsetý salasyndaǵy úzdik mekeme – «The Chief» jýrnalynyń bas redaktory Álııa Bekqojıeva bolsa, jyldyń úzdik óndirýshisi «KazPako» JShS dırektory Azamat Amanjolov ataldy. Jyldyń úzdik áıel kásipkeri atalymynda Aıjan Izimova jeńimpaz bolyp tanyldy. Al «Jyl kásipkeri» ataǵyn «Amangeldi» JShS basshysy Murat Ámiralıev jeńip aldy.
Aıta keteıik, qazir Atyraý oblysynda 57 myńnan astam shaǵyn jáne orta bıznes sýbektisi tirkelgen, olardyń bári de belsendi qyzmet etýde. «Bıznestiń jol kartasy-2020» baǵdarlamasy iske asa bastaǵan 9 jyl ishinde 1186 kásipkerge jalpy somasy 82,1 mlrd teńgeniń qoldaýy kórsetildi. Osynyń arqasynda aımaqta 6 myńǵa jýyq jańa jumys orny quryldy.
- Atyraý oblystyq ákimdigi О́ńirlik kásipkerler palatasymen birlesip bıznes júrgizý talaptaryn jetildirý boıynsha keń kólemdi sharalar atqardy. Sonyń nátıjesinde qazir shaǵyn jáne orta bıznes shyǵaratyn ónim kóleminde ósim baıqalady. Qazirgi ýaqytta Atyraý oblysynyń kásipkerleri 1 trıllıon teńgeniń ónimin óndirdi, bul burynǵy kórsetkishterden 65 paıyzǵa artyq, Elbasy jergilikti atqarýshy organdarǵa bıznestik klımatty jaqsartyp, kásipkerlikti damytý tapsyrmalaryn alǵa qoıady. Biz óz tarapymyzdan bul tapsyrmany oryndaý baǵytynda bar kúshimizdi salamyz. - dep atap ótti quttyqtaý sózinde Atyraý oblysynyń ákimi Nurlan Noǵaev.
