Komıtet tóraǵasy Asqar Beısenbaev kezdesýdi asha kelip, turǵyn úı-kommýnaldyq sharýashylyqtyń tıimdi jumys isteýi qazaqstandyqtar úshin mańyzdy máselelerdiń biri ekenin atap ótti.
Osyǵan baılanysty turǵyn úı-kommýnaldyq sharýashylyq salasyndaǵy zańnamany odan ári jetildirý qajet. Investısııalar jáne damý mınıstrligi ázirlegen turǵyn úı-kommýnaldyq sharýashylyq salasyn retteıtin tıisti zań jobasy Parlamenttiń qaraýyna túsken bolatyn.
Investısııalar jáne damý mınıstriniń orynbasary Qaıyrbek О́skenbaev depýtattarǵa turǵyn úı-kommýnaldyq sharýashylyǵy salasyndaǵy josparlanyp otyrǵan reformalardy tanystyrdy. Aldaǵy aýqatta «bir úı – bir menshik ıeleriniń birlestigi – bir shot» sekildi kóp páterli turǵyn úılerdi basqarý úlgisi usynylatyn bolady. Bul turǵyndarǵa qarjyny tek ózderiniń úıleriniń kúrdeli jóndeý jumystaryna jınaqtaýǵa, sonymen qatar qarjylardyń túsimin jáne olardyń maqsatty jumsalýyn baqylaýǵa múmkindik beredi.
Senator Álimjan Qurtaev turǵyn úı-kommýnaldyq sharýashylyǵy salasynda oryn alǵan mańyzdy máselelerge toqtaldy. Ol tarıf qalyptastyrý úrdisiniń ashyq emestigi, apatty turǵyn úılerdiń shamadan tys kóptigi, turǵyn úı basqarý organdary jumysynyń nasharlyǵy men qyzmet sapasy deńgeıiniń tómendigi, resýrs únemdeýdi yntalandyrý men jańa tehnologııalardy engizý men turǵyn úı basqarý organdaryna áser etý tetikteriniń joqtyǵy sekildi máselelerdi atapótti.
Kezdesýge "Qazaqstan qurylys jınaq banki" AQ Basqarma tóraǵasynyń orynbasary Janar Jubanııazova, Tabıǵı monopolııany retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary Asan Darbaev, Soltústik-Qazaqstan oblysy ákiminiń orynbasary Anton Fedıaev, «TKSh QazOrtalyǵy» AQ Basqarma tóraǵasynyń orynbasary Meıirjan Maıkenov, «Respýblıkalyq páter men úı-jaı ıeleri kooperatıvteriniń assosıasııasy» zańdy tulǵalar birlestiginiń Vıse-prezıdenti Shamıden Tapaev sóz sóıledi.
Kezdesýge qatysýshylar elimizdiń turǵyn úı qorynyń jaǵdaıyn, úılerdi kúrdeli jóndeýden ótkizýdi qarjylandyrý, páter ıeleri jınaǵan qarjyny jumsaýdyń ashyqtyǵy jáne taǵy basqa máselelerdi talqyǵa saldy.
Kezdesý qorytyndysy boıynsha Qazaqstan Respýblıkasy Turǵyn úı-kommýnaldyq sharýashylyǵy salasyn tıimdi qoldaý jáne odan ary damytý sharalary ázirlenetin boldy.
