Fızıka zańdylyqtaryn saqtaı otyryp, saıahatqa beıimdelgen «Fızıkadaǵy komıks» arqyly balalar Qazaqstan boıynsha saıahat jasap, elimizdiń kórki kózdiń jaýyn alatyn erekshe aımaqtarymen tanysa alady.
Joba úılestirýshisi Nursultan Nurmýhanov aıtýynsha, balalar úshin qyzyqty bolady degen maqsatta Iаkov Perelmannyń «Zanımatelnaıa fızıka» jumysy negizge alynǵan. Jobada balalar túrli oqıǵalarǵa tap bola otyryp, kúndelikti ómirdiń ár mınýtynda kezdesetin fızıka zańdylyqtarymen tanysa alady.
О́z pikirimen bólisken komıks sıýjetiniń avtory jáne qurastyrýshysy, Khan Comics stýdııasynyń negizin qalaýshy Orazhan Jakýp «Ǵylymdy jasóspirimder ekshnyna aınaldyra otyrýdy maqsat ete otyryp, ssenarıı qurastyrdyq. Tapsyrma qyzyqty bolǵanymen, bizder úshin syn tegeýrinine túsýge týra keldi. Iаǵnı, qurǵaq formýlalardy talǵampaz aýdıtorııany qyzyqtyratyndaı sıýjet oılap tabýǵa tyrystyq. Toptamanyń bas sýretshisi -Danııar Orynbaev, al shyǵarylymdarmen birneshe kolorıstter jumys jasady. Qazirgi tańda 4-shi shyǵarylymnyń sýretin salynýda. Ssenerıı bar toptamaǵa tolyqtaı jazylyp qoıǵan. Barlyǵy 10 nómirden turatyn bolady»,- deıdi .
«Fızıka komıkste» alǵashqy shyǵarylymy memlekettik jáne orys tilderinde 2000 dana taralymmen basyp shyǵarylyp, taralym jartylaı Almaty mektepterine úlestiriletin bolady.
Elvıra SERIKQYZY,
«Egemen Qazaqstan»
ALMATY
