Kıbersport – beıneoıyndar negizinen quralǵan komandalyq nemese jekelegen saıystar. Ony «kompıýterlik» nemese «elektrondy sport túri» dep te ataıdy. Kıbersportty birinshi bolyp resmı túrde Reseı Federasııasy moıyndady. Al Qazaqstanda kıbersport federasııasy 2018 jyldyń 1 maýsymynda tirkelse, sol jyldyń 25 shildesinde ol elimizde resmı sport túri retinde moıyndaldy.
– Kıbersport segiz saıystyq jattyǵýlardan turady. Olar bir-birine múldem uqsamaıdy. Biz Almatyda «StarCraft 2» strategııasy boıynsha jarys ótkizdik. Bul saıystar shahmatqa qatty uqsas. Ol jerde jas ereksheligine shekteý qoıylmaıdy. 10 jastaǵy bala da, egde tartqan adamdar da osy oıyndy oınaı alady. Qazirgi kezde biz jasóspirimder lıgasy, kıbersporttyq akademııa jəne úzdiksiz týrnırler sekildi birneshe jobany qolǵa alyp jatyrmyz, – deıdi Qazaqstannyń kıbersport federasııasynyń vıse-prezıdenti Evgenıı Bogatyrev.
«StarCraft 2»-den Ortalyq Azııanyń ashyq týrnıriniń jeńimpazy ataǵyn Ədilet "Lightweight" Satybaldın oljalady. Ol 1 200 000 teńgege ıelik etti. Ekinshi orynda - Vladımır "Upakovka" Derkýlskıı. Oǵan 500 000 teńge syıaqy berildi. Úshinshi oryndy enshilegen Almat "Replicant" Tóleýǵalıev 200 000 teńgeni qaltaǵa bassa, tórtinshi satyǵa taban tiregen Anton "AntonyZerg" Rýdke 100 000 teńge buıyrdy.
Ǵalym SÚLEIMEN,
«Egemen Qazaqstan»
ALMATY
