Zań jobasy menshik quqyǵyn qorǵaýdy kúsheıtýge, tórelik ınstıtýtyn jetildirýge, sot júktemesin ońtaılandyrýǵa jáne ekonomıkalyq qylmystardy izgilendirýge baǵyttalǵan.
Onda 42 zańnamalyq aktige, onyń ishinde 11 kodekske ózgerister men tolyqtyrýlar engiziledi.
Elimizdiń Qylmystyq-prosestik kodeksine múlikti tárkileý kezinde adamdardyń múliktik quqyǵyn qorǵaýdy kózdeıtin tolyqtyrýlar engiziledi. Atap aıtqanda: qylmystyq qýdalaý organynyń jáne sottyń tárkileý nysanyna jatqyzylǵan naqty múlikti jáne dáleldemeni kórsetý mindeti; sottyń múlikti tyıym salýdan bosatý týraly máseleni qaraý jónindegi quzyreti belgilengen.
Qylmystyq kodeks ekonomıkalyq jáne salyqtyq quqyq buzýshylyqtardy izgilendirý máselelerin qozǵaıtyn normalarmen tolyqtyrylady. Onyń ishinde ulttyq valıýtany jáne (nemese) shetel valıýtasyn repatrıasııalaý talabyn alǵash ret oryndamaǵan adam mindetti esepke jatqyzylýǵa tıis qarajatty banktegi shotqa qaıtarǵan jaǵdaıda qylmystyq jaýaptylyqtan bosatylady; Qazaqstan Respýblıkasynyń býhgalterlik esep pen qarjylyq eseptilik týraly zańnamasyn alǵash ret buzǵan nemese banktiń aqshasyn zańsyz alǵash ret paıdalanǵan adam zalaldy óz erkimen ótegen jaǵdaıda qylmystyq jaýaptylyqtan bosatylady; salyq jáne (nemese) bıýdjetke tólenetin basqa da mindetti tólemderdi tóleýden jaltarǵan adam Qazaqstan Respýblıkasynyń zańnamasynda belgilengen salyqtar jáne (nemese) bıýdjetke tólenetin basqa da mindetti tólemder boıynsha bereshekti, sondaı-aq ósimpuldy óz erkimen tólegen jaǵdaıda qylmystyq jaýaptylyqtan bosatylady.
Sot júktemesin ońtaılandyrý maqsatynda zań jobasymen: sot ońaılatylǵan (jazbasha) is júrgizý tártibimen qaraıtyn on isti buıryq arqyly is júrgizýge; sot buıryǵy shyǵarylatyn toǵyz daýsyz talapty atqarýshylyq jazbany jasaý úshin notarıýsqa; sot atqarýshylarynyń qaýlylaryn sanksııalaýdyń birqataryn sottan prokýratýraǵa berýdi kózdeıtin ózgerister men tolyqtyrýlar engiziledi.
Sondaı-aq, komıtet otyrysynda «Qazaqstan Respýblıkasynyń keıbir konstıtýsııalyq zańdaryna Qazaqstan Respýblıkasynyń ákimshilik-aýmaqtyq qurylymy máseleleri boıynsha ózgertýler engizý týraly» zań jobasy qaraldy.
Zań jobasy Qazaqstan Respýblıkasy Prezıdentiniń 2018 jylǵy 19 maýsymdaǵy «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» №702 Jarlyǵyn júzege asyrý maqsatynda ázirlendi. Jarlyqqa sáıkes, Shymkent qalasy respýblıkalyq mańyzy bar qalalardyń sanatyna, al Ońtústik Qazaqstan oblysy Túrkistan oblysy dep qaıta ataldy jáne onyń ákimshilik ortalyǵy Shymkent qalasynan Túrkistan qalasyna kóshirildi.
Zań jobasynyń maqsaty – normatıvtik-quqyqtyq bazany Prezıdent Jarlyǵyna sáıkes keltirý bolyp tabylady.
Joba «Qazaqstan Respýblıkasyndaǵy saılaý týraly» jáne «Qazaqstan Respýblıkasynyń sot júıesi men sýdıalarynyń mártebesi týraly» konstıtýsııalyq zańdarǵa túzetýler engizýdi kózdeıdi.
Engiziletin ózgertýler redaksııalyq sıpatqa ıe bolyp otyr. Atap aıtqanda, joǵaryda atalǵan Konstıtýsııalyq zańdarda «respýblıkalyq mańyzy bar qala jáne astana» jáne «Almaty jáne Astana qalalary» sózderin «respýblıkalyq mańyzy bar qalalar jáne astana» sózderine aýystyrý usynylady.
Sonymen qatar, komıtet «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń ákimshilik-aýmaqtyq qurylysy jáne kóleńkeli ekonomıkaǵa qarsy is-qımyl máseleleri boıynsha ózgertýler men tolyqtyrýlar engizý týraly» zań jobasyn qarady.
Zań jobasynyń maqsaty Jarlyqty júzege asyrýǵa oraı zańnamanyń jekelegen erejelerin Qazaqstan Respýblıkasyndaǵy ákimshilik-aýmaqtyq qurylymǵa engizilgen ózgeristerge sáıkestendirý bolyp tabylady. Onda Shymkent jáne Túrkistan qalalarynyń mártebesiniń ózgerýine baılanysty 2018 jylǵy 1 shildeden bastap alynatyn salyq mólsherlemelerin arttyrý boıynsha Salyq kodeksine túzetýler engiziledi.
Alaıda, atalǵan aımaqtardyń salyq tóleýshileriniń jaǵdaıyn nasharlatýdy boldyrmaý maqsatynda ózgertilgen bazalyq salyq mólsherlemelerin alýdy 2020 jylǵy 1 qańtarǵa deıin toqtata turý qarastyrylǵan.
«Aral óńirindegi ekologııalyq qasiret saldarynan zardap shekken azamattardy áleýmettik qorǵaý týraly» Qazaqstan Respýblıkasynyń 1992 jylǵy 30 maýsymdaǵy Zańynyń 5-babynyń 2-tarmaǵyna sáıkes Ońtústik Qazaqstan oblysynyń Túrkistan qalasy ekologııalyq qasiret jaǵdaıyndaǵy aımaqqa engen bolatyn.
Túrkistan oblysy ákimshilik ortalyǵynyń Shymkent qalasynan Túrkistan qalasyna kóshirilýine baılanysty Túrkistan oblysyna qarasty 12 aýyldyq okrýg turǵyndaryn áleýmettik qorǵaý sharalaryn saqtaý jóninde zań jobasyna túzetýler engiziledi.
Elbasynyń 2018 jylǵy 5 qazandaǵy Qazaqstan halqyna Joldaýyn iske asyrý maqsatynda zań jobasy keden isteri salasyndaǵy quqyq qorǵaý fýnksııalaryn Memlekettik kiris komıtetinen Qarjy mınıstrligi Qarjy monıtorıngi komıtetiniń ekonomıkalyq tergeý qyzmetine berý, sondaı-aq shaǵyn jáne orta bıznes sýbektilerine salyqtyq raqymshylyq jasaý sharasyn ótkizý kózdelip otyr.
Zań jobasyn qabyldaý turǵyndardy úzdiksiz áleýmettik qamtamasyz etý men olarǵa memlekettik qyzmet kórsetýge jaǵdaı jasaýǵa, Shymkent qalasy men Túrkistan oblysy boıynsha memlekettik organdardyń úılesimdi ózara is-qımylyn qamtamasyz etýge múmkindik beredi.
Qujattar Palata qaraýyna usynyldy.
