«Satýshylar» óziniń shotyna aqsha túsisimen jym-jylas joq bolady. Rýdnyı qalasynda turatyn 38 jasar áıel alaıaqtyń banktegi shotyna 130 myń teńge aýdarǵan. Áıel jeńil mashınasyna dvıgatel almaqshy bolǵan. Ol aqshany aýdarysymen taýar da kelmegen, «satýshy» da izim-qaıym joq bolǵan, jaýap bermegen. Taǵy bir turǵyn óziniń tonyn satqysy kelip, ony keń taraǵan OLH saıtyna shyǵarady da, óziniń uıaly telefonynyń nómirin kórsetedi. Oǵan osy nómir arqyly alaıaq qońyraý shalady da, óziniń tonǵa tóleıtin aqshasyn satýshynyń banktegi shotyna salýdy usynady. Snymen qatar onyń Internet –bankıngtegi SMS-parolin de surap alady. Osydan keıin zardap shegýshiniń banktegi jeke shotynda jatqan qarjysynyń barlyǵyn alaıaq alyp ketedi. Qazir polıseıler sotqa deıingi tergeý jumystaryn júrgizýde.
«Qazir ınternet-alaıaqtar óte belsendi jumys isteıdi. Olar sońǵy kezde adamdardyń banktegi shotyn, elektrondyq qupııa sózderin bilip alady da, shabýyl jasaıdy. Sondyqtan saıttar men áleýmettik jelilerde avtobólshekterdi, uıaly telefondardy, basqa da taýarlardy arzan baǵamen usynǵanda onyń aqysyn bank shottary men elektrondyq «ámııan» arqyly aýdarýǵa bolmaıdy, ınternet alaıaqtary osy arqyly toryna túsiredi» deıdi Oblystyq polısııa departamenti Qylmystyq polısııasynyń aǵa jedel ýákili, polısııa kapıtany Aıdar Mýsın.
Sonymen qatar polıseıler ınternet arqyly nesıe rásimdeýge bolmaıtynyn, nesıeni tek Qazaqstan Respýblıkasyndaǵy bankterdiń arnaıy ókilderi ǵana rásimdeıtinin eskertedi. Internet jáne telefon arqyly taýar alýdy rásimdemeýge keńes beredi.
Názıra Járimbet,
«Egemen Qazaqstan»
Qostanaı
