Kitap avtorlarymen uıymdastyrylǵan kezdesýde jınalǵandar qasıetti Qyzyljar aımaǵynyń kıeli jerleri, dańqty tulǵalary, kórkem tabıǵaty jaıly jan-jaqty maǵlumattar aldy.
«Elbasy Nursultan Nazarbaev “Bolashaqqa baǵdar: rýhanı jańǵyrý” baǵdarlamalyq maqalasynda: “Patrıotızmniń eń jaqsy úlgisi orta mektepte týǵan jerdiń tarıhyn oqýdan kórinis tapsa ıgi. Týǵan jerdiń árbir saıy men qyrqasy, taýy men ózeni tarıhtan syr shertedi. Árbir jer ataýynyń tórkini týraly talaı-talaı ańyzdar men áńgimeler bar. Árbir ólkeniń halqyna sýyqta pana, ystyqta saıa bolǵan, esimderi el esinde saqtalǵan birtýar perzentteri bar. Osynyń bárin jas urpaq bilip ósýge tıis», degen bolatyn. Elimizdiń jas órenderi mektep qabyrǵasynda óz týǵan ólkesin tanyp bilýi kerek»deıdi oqýlyq avtorlarynyń biri, M. Qozybaev atyndaǵy SQMÝ-niń professory Zarqyn Taıshybaı.
Onymen birge tarıh ǵylymdarynyń doktory Aqmaral Ibraeva, memlekettik arhıvtiń dırektory, tarıh ǵylymdarynyń kandıdaty Sáýle Málikova birigip jazǵan “О́lketaný” oqýlyǵy jańa jyldan bastap 5-7-synyptarda oqıtyn 14 myń oqýshynyń qolyna tıedi.
Bilim basqarmasynyń basshysy Gúlmıra Kárimovanyń aıtýynsha, jańartylǵan mazmun boıynsha oqıtyn mektepterge arnalǵan oqýlyqta “Qazaqstan tarıhy”, “Qazaq ádebıeti”, “Geografııa”, “Mýzyka” pánderine qosymsha tereń bilim alýǵa qajetti maǵlumattar toptastyrylǵan. Balalardyń zertteý daǵdylaryn damytýǵa arnalǵan túrli tapsyrmalar usynylǵan. Oqýlyq balalardyń jas erekshelikterine baılanysty jeńil jazylǵan, sýrettermen kórkemdelgen. Aldaǵy ýaqytta qosymsha hrestomatııalar men beıne dıskiler bar anyqtama kitapshalarmen tolyqtyrylmaq.
О́mir ESQALI,
«Egemen Qazaqstan»
Soltústik Qazaqstan oblysy
