Nysannyń ashylý saltanatynda sóılegen sózinde Shal aqyn aýdanynyń ákimi Nurlan Esimov sanaly ǵumyryn sharýashylyq, keńes, partııa qyzmetterine arnaǵan, el, jer qamyn aldyńǵy orynǵa qoıǵan bilgir basshynyń ómiri jastarǵa árkez úlgi ekenin atap kórsetti. Eńbek ardageri Hamıt Naımanov onymen birge jumys atqarǵan kezderi jaıly syr shertti.
Esim Shaıkeuly 18 jasynda qolyna qarý alyp, jaýǵa qarsy soǵysqa attanǵan. Maıdannan oralǵan soń ujymshar tóraǵasy, keńshar dırektory, aýatkom tóraǵasy sekildi eńbek joldarynan ótken. Aýdandyq partııa partııa komıtetiniń birinshi hatshysy qyzmetine deıin kóterilgen. 1976 jyly Sosıalıstik Eńbek Eri ataǵyn alǵan. 2 ret Lenın, Eńbek Qyzyl Tý, «Qurmet belgisi» ordenderimen marapattalǵan. Kóshege, mektepke aty berilgen.
Shalaqyndyqtar bul kisiniń esimin erekshe qurmetteıdi, qımastyqpen eske alady. Esaǵań basqarǵan jyldary munda kóptegen mektepter, aýrýhanalar, kópqabatty turǵyn úıler, mádenıet oshaqtary salyndy. Ásirese, abattandyrý, kógaldandyrý jumystary erekshe qarqynmen júrgizilip, aýdan ortalyǵy, eldi mekender jasyl jelekke aınaldy.
О́mir ESQALI
«Egemen Qazaqstan»
Soltústik Qazaqstan oblysy
