Úzdik atanǵan úsh joba 1 mıllıon teńgeden qarjylaı syılyq jeńip alady. Baıqaýdyń jalpy júlde qory 5 mıllıon teńgeni quraıdy. Sondaı-aq bir joba avtoryna arnaıy júlde – Halyqaralyq aqparattyq tehnologııalar ýnıversıtetine grant beriledi.
Osy jyldyń qazan aıynan bastap elimizdiń barlyq óńirlerinen 1000-nan astam ótinimder kelip tústi. Saraptamalyq komıssııa ekologııa, robototehnıka, balamaly qýat kózderi, jasyl energetıka, ónerkásip, IT, medısına, hımııa, bıologııa, farmasevtıka, jol qozǵalysynyń qaýipsizdigi salalaryndaǵy 30 úzdik jobany tańdap aldy.
Joba avtorlary Astana qalasynda konkýrstyq komıssııa aldynda óz jumystaryn tanystyrdy. Jas ónertapqyshtardyń jumysyn «Nur Otan» partııasynyń hatshysy Qýanǵanov F.Sh., QR Parlamenti Senatynyń depýtaty Jumaǵulov B.T., «Elektr energetıkasyn damytý jáne energııa únemdeý ınstıtýty» AQ basqarma tóraǵasy Smaǵulov B.A., «Qazaqstan Ǵarysh Sapary» ulttyq kompanııasy» AQ basqarma tóraǵasy Batyrqoja A.B. jáne t.b. mamandar baǵalady.
Baıqaýǵa usynylǵan jobalar «Áleýmettik mańyzdy ınnovasııalar», «Úzdik jas ǵalym», «Jastardyń ınnovasııalyq jobasy» nomınasııalary boıynsha baǵalandy. Jastar mobıldi qosymshadan bastap aýyr ónerkásip salasyna arnalǵan ınnovasııalyq qurylǵylardy usynyp otyr. D. Serikbaev atyndaǵy Shyǵys-Qazaqstan memlekettik tehnıkalyq ýnıversıtetiniń jas ǵalymdary tantaldan jasalǵan otandyq medısınalyq ımplanttardyń úlgisin usyndy. Qazir úlgi klınıkaǵa deıingi synaqtan ótýde. «Eger synaq nátıjeleri sátti bolsa, bul qurylǵylar Qazaqstan ǵana emes Reseıdiń de naryǵynda suranysqa ıe bolady» - deıdi joba avtorlary.
Danııar Súndetbaev «Jas Otan» Jastar qanatynyń Tóraǵasy:
«Baıqaýdy «Jas Otan» Jastar qanaty úshinshi jyl qatarynan ótkizip keledi. Osy ýaqyt aralyǵynda jastar úshin baıqaý jańa jeńisterge arnalǵan tramplınge aınaldy. Baıqaý júldegerleri ózderiniń jeke startap-jobalarynyń negizin salyp, ulttyq jáne sheteldik iri kásiporyndar men ǵylymı zerthanalarmen seriktestik ornatty. Búgin qatysýshylar jobalaryn qorǵady, endi qańtar aıynda jeńiske jetkenderdi marapattap, syılyqtaryn tabystaıtyn bolamyz».
Osyǵan deıin júldegerler atanǵandardyń biri Nazarbaev zııatkerlik mektebiniń oqýshysy Ivan Krepak «Jarys» mobıldy qosymshasyn ázirleý arqyly kraýdfandıng naryǵynda 10 mıllıon teńgeden astam ınvestısııa tartty. Almatylyq Máýlen Bekturǵanov «100 jańa esim» jobasynyń jeńimpazy atanyp, bıonıkalyq qol protezin daıyndaıtyn «MBionics» kompanııasynyń negizin qalady, sondaı-aq Almaty qalasyndaǵy Respýblıkalyq protez jáne ortopedııalyq ortalyǵymen birqatar jobalar iske asyrýda. 2017 jyly baıqaýda jeńiske jetken Lıýbov Dýdchenko qytaılyq tanymal ǵalym Gao Shıchtyń syılyǵyna ıe bolyp, Úndistandaǵy «Sanray» zerthanasymen birge jumys jasaıdy.
