Innovasııalyq ıngalıasııa júrgizetin ozyq medısınalyq jabdyqqa halyqaralyq «Homed Medical Device Co., Ltd.» kompanııasymen jáne tynys alý júıesindegi aýrýlardy emdeýge arnalǵan zamanaýı preparattar jasap shyǵaratyn halyqaralyq «Astra Zeneka» bıofarmasevtıkalyq kompanııasynyń qoıan-qoltyq jumys atqarǵannyń arqasynda qol jetkizildi.
Respıratorlyq patologııalar da ár elde ólim-jitimge ushyratatyn dertterdiń basynda tur. Jáne mundaı naýqasqa shaldyqqandar qatary iri qalalardyń ýrbanızasııa deńgeıiniń joǵarylaýyna baılanysty udaıy artyp keledi.
Al Pedıatrııa jáne balalar hırýrgııasy ǵylymı ortalyǵy málimeti boıynsha, elimizde emhanaǵa jatqyzylǵan kishkentaı naýqastar arasynda ókpeniń sozylmaly obstrýktıvti aýrýlary basym túsip otyr, olardyń ishinde mýkovıssıdoz 7,7%, bronhoektatııalyq aýrý 9,9%, sozylmaly bronhıt 10% jáne tynys demikpesi 15%-dy quraıdy. Emhanaǵa jatqyzylǵan mundaı naýqastardy emdeý kezinde peroraldy jáne parenteraldy dárilik zattardy qabyldaý qıynǵa soǵady. Dárini ıngalıasııa arqyly engizý naýqastardyń jaǵdaıyn áldeqaıda jeńildetip, ótkir aýrýlardy basyp, tezirek emdelip ketýge jáne stasıonarda jatý ýaqytyn azaıtýǵa aıtarlyqtaı múmkindik beredi.
Nebýlaızerlik terapııany júrgizýge arnalǵan tuńǵysh palata tolyǵymen jabdyqtalyp, Ortalyqqa aqysyz negizde tabystaldy. Keıinirek elimizdiń basqa aımaqtarynda da osyndaı kabınetterdi ashý josparlanǵan. Kishkentaı naýqastar ambýlatorııada em qabyldaı alady, al bul emhanaǵa jatqyzýǵa jumsalatyn shyǵyndardy tómendetip, qosymsha ekonomıkalyq úlesin qospaq.
Aıtýly oqıǵaǵa Pedıatrııa jáne balalar hırýrgııasy ǵylymı ortalyǵynyń jetekshi mamandary, ǵalymdar men qoǵamdyq uıymdar qatysty.
Aınash ESALI,
«Egemen Qazaqstan».
ALMATY
