Olga Shıshıgına – jeńil atletıkadan QR eńbek sińirgen sport sheberi, Olımpıada chempıony (2000), álem chempıonatynyń eki dúrkin júldegeri (1995, 2001), jabyq ǵımarattaǵy álem chempıony (1999), eki dúrkin Azııa oıyndarynyń jeńimpazy (1994, 1998), Azııa chempıony (1998) jáne basqa da kóptegen asa iri halyqaralyq dodalardyń jeńimpazy jáne júldegeri.
Kedergiler arqyly qysqa qashyqtyqqa júgirgen ataqty aýyr atlettiń 50 jasqa tolýyna oraı uıymdastyrylyp otyrǵan jarystyń ashylý saltanatynda osy salanyń basy-qasynda júrgen azamattar mereıtoı ıesine kamzol kıgizip, qurmet kórsetti.
Osydan bes jyl buryn ózim oqyǵan mekteptiń jattyqtyrýshylary meniń qurmetime jarys uıymdastyrý jóninde nıet bildirip, osy isti qolǵa aldy. Bul usynysty qýana-qýana qabyldadym. Kezinde men úshin de balalar arasynda dástúrli túrde ótip turatyn Olga Gırjon atyndaǵy jarysta top jarý asa mańyzdy bolatyn. Ol da kedergiler arqyly júgirýdiń has sheberi edi. Gırjon 14 ret Qazaqstan chempıony atanyp, 11 márte el rekordyn jańartty. Men de sol soqpaqpen júrip, otandyq sport tarıhynda óshpes iz qaldyrýdy armandaıtynmyn, – dep Olga Vasılevna ótkendi eske aldy.
Olga Shıshıgınanyń júldesi úshin ótken jarystyń bıylǵy baǵdarlamasyna sporttyq júris, uzyndyqqa sekirý, bıiktikke sekirý, 60 metrge kedergiler arqyly júgirý, 300 jáne 600 metrlik sprınt jáne 4H100 estafetalyq saıysy endi.
Osy jarysta Ábdirahman Jetpisbaev, Maǵjan Bekenov, Álııa Qadyrova, Rızvana Sharahmetova, Jázıra Bıbosynova, Valerııa Omarǵalıeva, Tatıana Ýshakova, Angelına Tıapova, Saýytjan Arýpov, Ilshat Ýsmamdınov, Tımýr Kólbaı, Danıl Sıbıkov, Aleksandr Kasıanov, Vıktorııa Klıýchnıkova, Álııa Baıbosınova, Mılana Sıbırova, Krıstına Ermola, Botakóz Shorbaı, Ázıza Ibragımova, Antonına Moıseeva, Veronıka Oleınık, Dıana Chıkova, Krıstına Konovalova, Olga Depero, Anastasııa Bolodorına, Ksenııa Ipatko, Arına Pogadaeva, Dıana Svırıdova, Vıktorııa Rıazanseva, Danıl Sherbakov, Nıkıta Shabalın, Mádı Ábdiqadyrov, Azamat Qondybaev, Kırıll Lıýın, Svıatoslav Maloshonok, Danıl Shýlygın, Danıl Grıgorev, Maksım Zapadnıa, Ádil Qarahmet, Sáýlet Mınýarbek, Naıl Tıhonov, Narbol Teltozıev, Talant Ulyqbek, Asyl Suranshıev, Artem Stasenko, Nına Shelest, Vladıslav Fogel, Aısulý Amansha, Aleksandra Alıstratova, Natalıa Mahova, Irına Shııanova jáne taǵy basqa sportshylar tabysty óner kórsetip, jeńis tuǵyryna kóterildi.
Ǵalym SÚLEIMEN,
«Egemen Qazaqstan»
