Aýmaǵy 38 gektar jerge 88 kópqabatty turǵyn úı salynady. Onyń 44-in 2019 jyly, qalǵan 44-in 2020 jyly paıdalanýǵa berý josparlanǵan. Jalpy aýmaǵy 196285 sharshy metr bolatyn «Otyrar», «Syrdarııa», «Arman» jáne «Saýran» turǵyn úı keshenderinde 2724 páter el ıgiligine berilmek. Qurylys jumystaryn «Ońtústik qurylys servıs» JShS-i, «Beren» JShS, «Shymkent qurylys» JShS jáne «NK Building» JShS-i júrgizedi. "Búgin «Túrkistan» áleýmettik kásipkerlik korporasııasy men jeke ınvestısııa esebinen boı kóteretin turǵyn úılerdiń qurylys jumystary bastalady. Munda 2-inshi jáne 3-inshi klasstaǵy 2724 páter bar. Osy baspanalar «Nurly jer» jáne «7-20-25» baǵdarlamasy aıasynda júzege asady. Birer jylda oblys ortalyǵy jańa kelbetke ıe bolady. Qurylys jumystaryna otandyq ónimder qoldanylady. Turǵyn úıdiń sapaly bolatynyna senimdimin», - dedi oblys ákimi kópqabatty turǵyn úıdiń irgetasyn qalaý rásiminde.
Ǵalymjan ELShIBAI,
«Egemen Qazaqstan»
Túrkistan oblysy
