Oıdaýa

Oısyz adam muńsyz. Muńsyz adam sýretker bola almaıdy. Jazýshy deıtuǵyn paqyrdyń ekinshi aty sýretker. Kórgen, bilgen, estigendi aq qaǵazǵa sýret qylyp qaıta syzý kez kelgenniń qolynan kele bermeıtin óner.

О́nerdiń túbi ýaıym. Ýaıym – paqyrdyń bir ǵumyrlyq jaryq dúnıedegi ólmeıtin máńgilik syńary. Al ýaıymnyń naqpa-naq sýreti bar ma?… Adam balasynyń shyr etip jerge túskende alǵashqy izdeıtini omyraý – ananyń aq súti. Emshekten aıyrylý – sábıdiń alǵashqy muńy. Demek, ónerge enshilespin deıtin pendeniń kókeıine alǵash qonaqtaıtyn nárse – ananyń aq sútimen kiretin qasıet. Sabaqtap aıtsaq, áýeli sezim, odan soń OI. Sezim men OI bir emshekke talasqan aty-jóni joq, sýreti joq, zerdege júk, mıǵa qan júgirtetin tabıǵattyń adamzatqa bergen azaby bolsa kerek.

 

Oısyz adam muńsyz. Muńsyz adam sýretker bola almaıdy. Jazýshy deıtuǵyn paqyrdyń ekinshi aty sýretker. Kórgen, bilgen, estigendi aq qaǵazǵa sýret qylyp qaıta syzý kez kelgenniń qolynan kele bermeıtin óner.

О́nerdiń túbi ýaıym. Ýaıym – paqyrdyń bir ǵumyrlyq jaryq dúnıedegi ólmeıtin máńgilik syńary. Al ýaıymnyń naqpa-naq sýreti bar ma?… Adam balasynyń shyr etip jerge túskende alǵashqy izdeıtini omyraý – ananyń aq súti. Emshekten aıyrylý – sábıdiń alǵashqy muńy. Demek, ónerge enshilespin deıtin pendeniń kókeıine alǵash qonaqtaıtyn nárse – ananyń aq sútimen kiretin qasıet. Sabaqtap aıtsaq, áýeli sezim, odan soń OI. Sezim men OI bir emshekke talasqan aty-jóni joq, sýreti joq, zerdege júk, mıǵa qan júgirtetin tabıǵattyń adamzatqa bergen azaby bolsa kerek.

«Oıdaýa» – jadaǵaılap aıtqanda: mıyń bos júrmesin, kúl, jyla, qınal, qınalsań ózińdi shıpala, tipti bolmasa ózińdi óziń qamshyla! Osy qubylystan aıyrylsań – jaryq dúnıede joqsyń degen sóz. Jaqaýdyń eki uǵymnan bir maǵyna taýyp otyrǵany osydan bolar. Bir-birine qaqpaqyl. О́ıtkeni,oıǵa noqta joq, oıǵa shara joq. Sharasy bolsa she?… Qalaı jyqsań da áıteýir suraq. О́mirdiń ózi suraq emes pe.

Qysqasy, osyndaǵy ár shýmaq jazylmaǵan bir kitaptyń zamysyly. Endeshe qalamger Jaqaýdyń, ózimizdiń Jaqaý Dáýrenbekovtyń sansyz suraǵyna oqýshy da jaýap izdep kórsin… Taptym dese de ótirik emes, tappadym dese de aıyp joq. Túbi, qolyna qalam ustaǵan ár beıbaqtyń esinde júretin tájirıbe eken. Áıtpese san ǵasyr buryn ómir keshken ǵulamalardyń ár sózin epıgraf qylyp tozdyrǵan joqpyz ba?..

Oımen bezbendelgen ómirdiń ózi san saýal men san jaýaptan jaratylǵandaı ǵoı. Túp-túbine jetýi qıyn ári qyzyqty kóriner saýaldardyń ózi pendege qaryzdaı, jan sebili mol jaýaptardyń pendege paryzdaı kóriner sıqyryna ne dersiń?!

Qalamy ushqyr qalamgerdiń oılary da qulashyn osylaı sermep, kóńildi osylaı terbeıdi. 

Eń bastysy: Oıdyń da osylaı ómir súrýge haqysy bar!

Qalıhan YSQAQ,

jazýshy, Memlekettik syılyqtyń laýreaty.

 

___________________

Jaqaý DÁÝRENBEKOV,

jazýshy-pýblısıst,

halyqaralyq

«Alash» ádebı

syılyǵynyń

laýreaty.

 

 

Adamdar! Bastaryńdy ıyq emes, uıat kóterip tursyn!

*   *   *

Sóılemge bóten sóz engen kezde talǵam talaq bolady.

*   *   *

Temirdeı judyryqtyń ózi jumsaq qolǵap kıip jylynady.

*   *   *

Erkektiń sabyry – sózinde, áıeldiń sabyry – kózinde.

*   *   *

Aqyldy adamdar baqytty kútpeıdi, baqyttyń aldynan shyǵady.

*   *   *

Aspandap sóılegennen góri, astarlap sóılegen túsinikti.

*   *   *

Sulýlyqty kóre biletin – kóz, oıdy óre biletin – sóz.

*   *   *

Bolmysyńnan bólektene almaısyń, tipti qartaıǵanda da qasıetińe laıyq keıpiń bolady.

*   *   *

Bıik tóbege bıik óre shyǵarady.

*   *   *

Tańǵalmaımyz: búginde ándi daýysy bar aıtpaıdy, aýyzy bar aıtady.

*   *   *

Tabanyn jerge tıgizbeı maqtaǵan­men, tóbesin kókke jetkize almaısyń.

*   *   *

Jahandaný jaılaǵanda poezııa men prozanyń kúni batyp, teledıdardyń aıy ońynan týady.

*   *   *

Dramatýrg óz pesasyndaǵy árbir rólge dýbler bola bilýi kerek.

*   *   *

Adam ómirden jańalyq kútedi, ózinen amandyq kútedi.

*   *   *

Sulýlyqqa tiliń jetpeıdi, kóziń jetedi.

*   *   *

Uıaty joq – uıasy joq qustaı.

*   *   *

Sózińniń saby synsa da, kóńilińniń saǵy synbasyn.

*   *   *

Kárilik: keýde alǵa tartady, aıaq keıin tartady.

*   *   *

Sóz sheksizdik, sózge bári syıyp ketedi.

*   *   *

О́mirdi túsinesiń, biraq tań qalmaı ómir súre almaısyń.

*   *   *

Ishte óletin oılarǵa kináli ózińsiń.

*   *   *

Sózimen maqtap turyp, kózimen dattap turatyndar da bar.

*   *   *

Tolǵan da ortaıady, bolǵan da qartaıady.

*   *   *

Búginde maqtaý da naǵyzǵa aıtylmaıdy, qaryzǵa aıtylady.

*   *   *

Bet shymshylaǵannan qyzarmaıdy, uıattan qyzarady.

*   *   *

Jaqsy istiń aýyry men jeńili bol­maı­dy, sharshatpaıtyn jeligi bolady.

*   *   *

Jas dáýren qııalda qalady, mas dáýren qııanda qalady, bas áýreń ózińde qalady.

*   *   *

Aqyldyń azabyn tarta bilgen,

О́mirdiń de ǵajabyn tata biledi.

*   *   *

Ánniń besigi áýede terbeledi.

*   *   *

Án men sán – ánshiniń baǵy men baıany.

*   *   *

Oıaý keýde – oıkórik,

Qýys keýde – borkemik.

*   *   *

Oqymaǵannyń sózi saýaldan turady,

Oqyǵannyń sózi amaldan turady.

*   *   *

О́mirdiń qyjylyna toıǵanmen,

О́mirdiń qyzyǵyna toımaısyń.

*   *   *

Eseıgende oılanasyń,

Qartaıǵanda oı baǵasyń.

*   *   *

Seniń qolyńdaǵynyń bári, tilińniń ushynda ǵana.

*   *   *

Bıiktiń keri ólshemi – quldyraý

*   *   *

Qyzdardy gúl deıdi, biraq olar da birin-biri kúndeıdi.

*   *   *

Aıtary taýsylǵandardan saqalynan uıalmaıtyn shaldar shyǵady.

*   *   *

Syrttaı ton pishkennen, ishteı oı pisken oryndy.

*   *   *

Adamzattyń alyptary kóp, biraq, halyqtan asqan alyp joq.

*   *   *

Kúshtilik – qaırattan, myqtylyq – minezden.

*   *   *

Bastaǵan isti aıaqtaǵansha tynba,

Aıaqtaǵannan keıin júregińdi tyńda.

*   *   *

Ulyǵa uqsap baqpa, uǵyp baq.

*   *   *

Báıgeniń qamshysy – ar-namys,

Básekeniń jarshysy – qyzǵanysh.

*   *   *

Izgilik ornaǵan jerge ıgilik uıa salady.

*   *   *

Kósilip aıtý emes, ósirip aıtý – ótirik.

*   *   *

Jol bilmegen emes, bir-birine jol bermegen keshigedi.

*   *   *

Arlana biletin, zarlana bilmeıdi.

*   *   *

Qadekeń – dalalyq ádebıetten shy­­ǵyp, danalyq ádebıetke kóterilgen aqyn.

*   *   *

Ábe – arnasyn Araldan alǵan Muhıt.

*   *   *

Sózdiń shyraıyn oıdyń shuraıy shyǵarady.

*   *   *

Qara jumys sharshatpaıdy,

Shala jumys sharshatady.

*   *   *

Uıaty bardyń betinen oty shyǵady,

Uıaty joqtyń betinen óti shyǵady.

*   *   *

Aqıqatty aqtaý emes saqtaý kerek.

*   *   *

Bilim – sáýlesin sanańa túsiredi, sabyry sabańa túsiredi.

*   *   *

Jolyń ashyq bolsa kózdegenińe jete­siń, Qolyń ashyq bolsa óz degenińe jetesiń.

*   *   *

Sózinde turatyn adam, aınymaı ózinde turatyn adam.

*   *   *

Jastyq oralmaıdy,

Kárilik oza almaıdy.

*   *   *

Imansyzdyq jaıdan da, baıdan da shyǵady.

*   *   *

Birdiń pikirine beıilińdi ı, kóptiń pikirine basyńdy ı.

*   *   *

Alaýyzdyq ishten keledi,

Aýyzbirlik ispen keledi.

*   *   *

Bórkiń ózińdiki, kórkiń ýaqyttiki.

*   *   *

Ulttyń qulamaıtyn ustyndary bolady, Urpaǵynyń qulatpaıtyn ushqyn­dary bolady.

*   *   *

Sózińdi syılaǵandy tóbeńe kóter.

О́zińdi syılaǵandy tórińe kóter.

*   *   *

Aqynǵa arqa kerek,

Ákimge marqa kerek.

*   *   *

Qorǵaı bilmeseń qoldaýdyń qajeti joq, Oılaı bilmeseń tolǵaýdyń qajeti joq.

*   *   *

Ýaqyt bizden qashyp barady, biz ýaqytty shashyp baramyz.

*   *   *

Ýaqyttyń ár mınýty – taǵdyr.

*   *   *

Eren eńbekteriń – jeńisiń,

Erke ulandaryń – jemisiń.

*   *   *

Ýaqyttyń keshigýge laýazymy joq, asyqpaýǵa lajy joq.

*   *   *

Shyndyq samaldaı lekise,

ótirik jeldeı esedi.

*   *   *

Bálkim, týǵan elge darasyń,

Báribir, týǵan jerge balasyń.

*   *   *

О́leńge adaldyq – ómirge adaldyqtan týady.

*   *   *

Qazaqtyń kóregendigine teńdik joq,

Beregendiginde kemdik joq.

*   *   *

Ertegi ómirdi oqyp bilesiń,

Eldegi ómirdi kórip bilesiń.

*   *   *

Qaryzdyń qabaǵy jaman, aryzdyń qaǵazy jaman.

*   *   *

Jasyńa jetpeı qartaıýdan saqtan,

Jasyńa jetip marqaıýmen maqtan.

*   *   *

Mansapqa urynbaıtyn, maqtaýǵa da burylmaıdy.

*   *   *

Eldiń azattyǵyn saqta, aıala,

Ǵajaptyǵyn maqta, baǵala!

*   *   *

Jaqsylyqtyń jaqsylyqtan aıyrmasy bolmaıdy, qaıyrymy bolady.

*   *   *

Qazirgi elıta bankterde týyp, bırjalarda ósedi.

*   *   *

Moıyndaý arqyly jeńesiń,

Moıymaý arqyly jetesiń.

*   *   *

Uly istiń úlken aty – eldik, kishi aty – erlik.

*   *   *

Qundylyqtardy maqtaı bergennen saqtaı bilgen artyq.

*   *   *

Ýáj júrgen jerde ýaıym bolmaıdy.

*   *   *

Gúldiń tikenegin sulýlyǵy sezdir­meı­di.

*   *   *

Ottyń tiline ıe bolmasań, shoqtyń kúline aınalaryń anyq.

*   *   *

Aıdaı bolyp kórinip, kúndeı bolyp kúle bilgenge jibegińdi emes,

júregińdi jaı.

*   *   *

Gúl náziktigimen, qyz nárkestigimen sulý.

*   *   *

Sezimniń quly bolma, senimniń quly bol.

*   *   *

О́mir sharq urady,

О́lim alyp urady.

*   *   *

Bylaısha, muhıtqa joqtaı qatysyń,

Báribir, muhıtqa qosylǵan tamshy­syń.

*   *   *

Dala demokratııasy – noqtasyz aıtys, Qala demokratııasy – toqtaýsyz tartys.

*   *   *

Ala jipti attaǵanyńdy adal dosyń aıtpaıdy, ar-uıatyń aıtady.

*   *   *

Kóringen ándi oryndaıtyn ánshi toıda qalady, Kóńilden shyǵar ándi oryndaıtyn ánshi oıda qalady.

*   *   *

Optımızımdi oılap tappa, oıata bil.

*   *   *

Túsiný – talabyńa jol ashady,

Toryǵý – túńilýge ulasady.

*   *   *

Ulyqty izdeýshi kóp-aq, al uıatty izdep júrgendi kórmedik.

*   *   *

Kúpinip aıtqandy, túsinip aıtqan basady.

*   *   *

О́zine senetin adam ózgeden jaý izde­meıdi.

*   *   *

Basyn báıgege tigetinniń jany

jalańtós bolady.

*   *   *

Shamǵa sengen jaryq kúnde adasady.

*   *   *

Kókbórideı bolǵysy keletinder kóp, al kókbórige bolmysy keletinder joq.

*   *   *

Jamandyqtardyń bárin umyt.

Jaqsylyqtardyń bári – úmit.

*   *   *

Ideıa úıde týmaıdy, mıda týady.

*   *   *

Aqyldyń oı-dárisi bolmaıdy – emi bolady.

*   *   *

Saıany kóleńkeden izdeme, kóńilden izde.

*   *   *

О́mir de júrek sııaqty tyrtyqtardan turady.

*   *   *

Aqyldyń artyq-kemi bolmaıdy,

Demeý demi bolady.

*   *   *

Ýaqyt – asyqpaıdy, baqyt – keshikpeıdi, ǵumyr – ozbaıdy.

*   *   *

Urpaq – ult uıytqysynyń ustyny.

*   *   *

Qalanyń kúndiz bazary qaınaıdy, túnde qazany qaınaıdy.

*   *   *

Kúntizbede aılar men jyldar qalady,

Kúndelikte syrlar men jyrlar qalady.

*   *   *

Maqsatqa sóz qýǵan jetpeıdi, oı qýǵan jetedi.

*   *   *

Jerdiń tartylys zańy – planetalyq uǵym,

Týǵan jerdiń tartylys zańy – perzenttik uǵym.

*   *   *

Jer-sý ataýlary – ata tarıhtyń aıǵaǵy men amanaty.

*   *   *

Turǵan jeriń jaıly bolǵanymen, týǵan jerińe jetpeıdi.

*   *   *

Aqylǵa túsinetin bas kerek,

Basqa tyńdaıtyn jas kerek.

*   *   *

Asýlar taýsylǵanmen, asyldar taýsylmaıdy.

*   *   *

Ýaqyt balany da ósiredi, danany da ósiredi.

*   *   *

Zaman adamnyń qolymen jasalmaıdy, jasampaz jolymen jasalady.

*   *   *

Keńshiligińdi túısingen saıyn tarala túsesiń, Kemshiligińdi túsingen saıyn tazara túsesiń.

*   *   *

Ýaqyt sahnasy – uly akterlermen emes, ulan urpaqtarmen aýysady.

*   *   *

Adamǵa jala japsań da, zamanǵa jala jappa.

*   *   *

Iriligińe emes, tirligińe sen.

*   *   *

О́zińdi-óziń ózgerte almaısyń, ómir ǵana seni ózgertýge qabiletti.

*   *   *

Adamdardan bári qoldaryndaǵy saǵattan ozýǵa asyǵady.

*   *   *

Kóńilińmen kók tirep turǵanmen, ómirińnen kóp tilep turasyń.

*   *   *

Baq jasyńa qonbaıdy, basyńa qonady.

*   *   *

О́zine senbegen adam, ózen túgili ótkelden de óte almaıdy.

*   *   *

Meıirimniń ózi aıanyshtan emes, aıalaý­dan turady.

*   *   *

Ustaz sabaqty túsindirýimen emes, shákirtiniń júrek lúpilin túsine bilýimen esinde máńgige qalady.

*   *   *

Talanttar sóılegende tynyshtyqtyń ózi siltideı tynady.

*   *   *

Sóziń men oıyńda óziń men boıyń kórinip turady.

*   *   *

Tarıh – halyqtyń tuǵyrtasy.

*   *   *

О́tken kúnder eles, Keler kúnder beles.

*   *   *

Bilip synaǵan saralaıdy, bilmeı synaǵan jaralaıdy.

*   *   *

Uqsas oılar bolmaıdy,

Uqsas toılar bolady.

*   *   *

О́mirmen danalyq keledi, ýaqytpen jańalyq keledi.

*   *   *

О́ner ómirdiń ózindeı birde tasıdy, birde jasıdy.

*   *   *

Sanańa jetpeı, jaǵańa jetpeısiń.

*   *   *

Kóptiń kóńilinde qalǵan, kóptiń ómirinde qalady.

*   *   *

Aqyl quımadan turmaıdy, qısynnan turady.

*   *   *

Oıdyń da quryǵy men qamshysy bolady, Sózdiń de tolqyny men tamshysy bolady.

*   *   *

О́tpeli mansaptan ómirlik maqsat qymbat.

*   *   *

Jaqsy áıelmen ómir súrý – jaqsy ánmen ómir keshýdeı.

*   *   *

Jaqsylyq umytylǵanmen, jaqsy­lyq jasaǵan adam umytylmaıdy.

*   *   *

Beınet pen zeınet qatar qartaıady.

*   *   *

Ánniń nasıhaty – asqaqtata salar aqıqaty.

*   *   *

Daryn bulbul etedi,

Dańq dúldúl etedi.

*   *   *

Bar baılyǵyńa senbe,

Jan baıly­ǵy­ńa sen.

*   *   *

Jaqsylyqtyń baǵasy myń alǵys emes, shyn alǵys.

*   *   *

Jyl adamy bolý ýaqytsha,

Jyr adamy bolý máńgilik.

*   *   *

Erkek jaqtaǵandy, áıel maqtaǵandy súıedi.

*   *   *

Áıelderdiń bárin tún teńestiredi.

*   *   *

Sıfrlar bardy aqqa shyǵarady, nol bardy joqqa shyǵarady.

*   *   *

Adam qanaǵattyń atyn bilgenmen, z­atyn bilmeı ótedi.

*   *   *

Bizdiń sanamyzdyń súrlenip qalǵany sondaı, ótirikti báıgege qosyp shyn­dyq­ty kókpar etip júrgenimizdi sezbeımiz.

*   *   *

Sosıalızmniń urany kóp edi, kapı­talızmniń quraly kóp bop shyqty.

 

*   *   *

Mýzyka tynyshtyqty súıedi.

*   *   *

О́mirde bári bar, biraq odan ózińe qaısysyn tańdaryńdy bilmeısiń.

*   *   *

Eshkimniń eshkimdi tyńdaýǵa ýaqyty joq. О́ıtkeni bári de bárinen keshik­kender.

*   *   *

Bilimsiz halyq qaýipti, al bilimdi halyq qýatty.

*   *   *

Mynaý ómirden kimdi kóresiń…

О́zge emes, bul ómirden ózińdi kóresiń.

*   *   *

Depýtattar zańǵa jaýap bermeıdi, zańǵa daýys beredi.

*   *   *

Kún tańdy súıedi, tún ándi súıedi.

*   *   *

Bári de oıǵa oralady, bári de oımen ońalady.

*   *   *

Keıde oılap aıtqan sózińnen, oınap aıtqan sóziń asyp túsedi.

*   *   *

Qarapaıym saýaldar da kúrdeli jaýaptardyń kiltin ashady.

*   *   *

Dúnıede bárinen ozyq, bárinen bıik turǵan qudiret – oı.

*   *   *

Jemqorlyqtyń tóri bolmaıdy,

tory bolady.

*   *   *

Keıde oılamaǵanyń bolyp, oılaǵa­nyń qashady. Tolmaǵanyń tolyp, tolǵa­ǵanyń tasady.

*   *   *

Shyndyqqa sóz tımeıdi, ótirikke kóz tımeıdi.

*   *   *

Dámsiz sóz dalaǵa ketedi, dámdi sóz danaǵa jetedi.

*   *   *

Saǵat toqtaǵanymen ýaqyt toqta­maıdy.

*   *   *

Bir oı ustatpaıdy,

Bir oı uıyqtatpaıdy.

*   *   *

Uıat pa? Uıatty tek sózdikten tabasyń.

*   *   *

Bir tamshy jastyń ózi bárinen aýyr, bárinen ashy.

*   *   *

Kózge kórinbeıtin eńbekten, kózge kórinetin bıik bastalady.

*   *   *

Áńgimeniń búkpesi bolmasa da núktesi bolady.

*   *   *

Aq-qarasyn aıyryp akti jasalady, bar men joqty qaıyryp fakti jasalady.

*   *   *

Oı shynaıylyqty, sóz sypaıylyqty qajet etedi.

*   *   *

Dostyq degen syılastyq sımvoly.

*   *   *

О́zińdi-óziń qamshylaý da qaısarlyq.

*   *   *

It jetektegenge emes, bala jetektegen baqytqa qara!

*   *   *

О́zińdi kórsetkiń kelse ne biletinińdi emes, ne tyndyrǵanyńdy aıt.

*   *   *

Adam – pende, kóńili – patsha.

*   *   *

Maqtaý asyǵyp júredi, aqtaý keshigip júredi.

*   *   *

Sharshasań da taýsylmasyn jumy­syń, taýsylmasa taýsylmaıdy júrisiń.

*   *   *

Oıdyń kemdigi bilinse de artyqtyǵy baıqalmaıdy.

*   *   *

Aıaqqa jyǵylǵannan taıaqqa jyǵylǵan abyroı.

*   *   *

Dáýlet – otaýda qalady.

Danq – Otanda qalady.

*   *   *

Tabandylyq maqsatqa jetkizedi, maq­sat jaqsy atqa jetkizedi.

*   *   *

Jamandyqqa eleń qulaqpyz, jaqsylyqqa kereń qulaqpyz.

*   *   *

Keń dúnıe kóńilge syıǵanmen, qushaqqa syımaıdy.

*   *   *

Oıǵa alǵanyń emes, qolǵa alǵanyń oryndalady.

*   *   *

Tabıǵat – tunǵan syr, taǵdyr – tunǵan jyr.

*   *   *

О́mirdiń jumbaǵy – adam, jyr baǵy – ǵalam.

*   *   *

Kitap – oıdyń qaınary, sózdiń maıdany.

*   *   *

Oraıy keler sózdiń orny bos turady.

*   *   *

Aqyldy týlaǵanǵa emes, tyńdaǵanǵa aıt.

*   *   *

Sandar ómiriń úshin kerekke aınalsa, keıde ózińe qarsy derekke aınalady.

*   *   *

Baqyt búgin seniń basyńa qonsa, erteń kórshińniń baǵyna qonady.

*   *   *

Erlik namystan týady, eńbek tabys­tan turady.

*   *   *

Kóz kókjıekti kóredi,

Kózqaras keleshekti kóredi.

*   *   *

Tarıh sumdyq oqıǵalarǵa toly. Eń sumdyǵy – solardyń bári shyndyq.

*   *   *

Ýaqyt ótkendi umyttyrǵanmen izin óshire almaıdy.

*   *   *

Seniń ómiriń – seniń ózińe uqsaǵan ómir.

*   *   *

Oı degeniń shalqar teńiz, jaǵasyn aıdyny biledi, baǵasyn aıbyny biledi.

*   *   *

О́ziń barlap qarashy… Uıat úndemeı oıanyp, Kúnmen birge qyzaryp batady.

*   *   *

Bas bilmegen at úzeńgisinen úrkedi.

*   *   *

Ár qustyń óz jyry bar,

Ár qyzdyń óz syry bar.

*   *   *

Aqyl qııaldan týmaıdy, qısynnan týady.

*   *   *

Elikteýmen ótesiń, erinbeýmen jetesiń.

*   *   *

Ulysyńmen birgesiń, uly isińmen irgesiń!

*   *   *

Tabıǵat úndestikpen taralǵan, adam kúnbesikpen jaralǵan.

*   *   *

Adamnyń kózimen emes, júrektiń kózimen ǵashyq bolǵan baqytty.

*   *   *

Elińdi tuǵyr et, eńbegińdi ǵumyr et.

*   *   *

Baqyt degen esigi ashyq, shyraǵy janǵan shańyraqty tańdaıdy. Keıde baqyt kelgen úıine temir esik, temir torly terezesinen kire almaı keri qaıtyp ketedi.

*   *   *

Tarıhtyń sabaǵyn oqýǵa bolady, biraq qaıtalaýǵa bolmaıdy.

*   *   *

Ulylyqty ýaqyt beredi, bolashaq bekitedi.

*   *   *

Seniń qolyńdaǵy saǵatyń qansha altyn bolǵanymen, ol ómirdiń bir mınýtyna da tatymaıdy.

*   *   *

Ulttan bıik uly joq.