Búgin banktiń basqarma músheleri Almatydaǵy Qazaqstan baspasóz klýbynda BAQ ókilderimen kezdesip, 2018 jyldyń qorytyndy baspasóz májilisin ótkizdi.
2018 jyly Turǵyn úı qurylys jınaq banki úı satyp alýǵa arnalǵan zaemdardyń rekordtyq sanyn resimdedi. Jyl basynan beri banktiń 36 790 salymshysy qonys toıyn atap ótken. Bul – ótken jylmen salystyrǵanda aıtarlyqtaı joǵary kórsetkish. 2017 jyly 28 673 zaem berilgen bolatyn.
Bıyl Turǵyn úı qurylys jınaq bankiniń qazaqstandyq ıpotekadaǵy úlesi 63%-dy qurady.
2018 jyly resimdelgen nesıe sany boıynsha birinshi orynda Astana tur (barlyǵy 7 739 nesıe). Ekinshi oryn Almaty qalasyna tıesili bolsa (5 786), úshinshi orynda Aqtóbe oblysy tur (3 696).
– Jalpy, bank jumys istep kele jatqaly beri 170 myńdaı qazaqstandyqtyń turǵyn úı jaǵdaıyn jaqsartýǵa kómektestik. Qazir Turǵyn úı qurylys jınaq bankinde 119 myń nesıe bar. Olardyń aıtarlyqtaı bóliginiń, ıaǵnı 27 myń zaemshynyń aılyq tabysy 50-100 myń teńge aralyǵynda. 19 myń zaemshy 100-140 myń teńge kóleminde jalaqy alady. Al 13 myń klıent 50 myń teńge tabyspen de zaem resimdep, úıli boldy. Bul biregeı turǵyn úı qurylys jınaq júıesiniń arqasynda múmkin bolyp otyr. Ol tabysyna qaramastan kez kelgen adamǵa baspanaly bolýǵa jol ashady. Al banktegi depozıtin aı saıyn turaqty túrde usynylǵan somaǵa tolyqtyryp otyrǵan klıent úshin tólem qabilettiligin rastaý tártibi jeńildetildi, – deıdi Turǵyn úı qurylys jınaq banki basqarma tóraıymy Lázzat Ibragımova.
Bolashaq baspana úshin aqsha jınaýǵa kelgende salymshylarǵa memleket te kómektesip otyr. Banktiń barlyq salymshylary bir jyl ishindegi shotqa salǵan aqshanyń 20%-na teń somany memlekettik syıaqy túrinde ala alady.
Máselen bıyl beıne-baılanys arqyly keńes alý, depozıtti onlaın-rejımde satyp alý múmkindikteri paıda boldy. Qazirgi tańda onlaın qyzmetti paıdalanatyndar sany 80 paıyzdan asqan.
