Sýretti túsirgen: Valerıı Býgaev
Kásiporynǵa ınnovasııalyq ózgeris keldi. Metaldy balqytyp, odan dońǵalaqtar quıyp shyǵarý isi birneshe satydan turady. Jumysy avtomattandy túrde júrgiziledi. Robottardy operatorlar kompıýter arqyly basqarady.
Basqarma basshysy Dáýlet Syzdyqovtyń aıtýynsha,temirjol dońǵalaqtaryn jasaıtyn jobanyń jalpy quny 54 mlrd. teńge. Onyń 36 mlrd. teńgesi Qazaqstannyń Damý banki arqyly qarjylandyrylǵan.
Jobanyń júzege asyrylý-elimizdiń shıkizattyq emes ekonomıkasyn damytý úshin mańyzdy. Importty almastyrý, eksporttyq áleýet jáne EAEO elderindegi uqsas óndiristermen salystyrǵanda joǵary ónimdilik sııaqty úsh quramdasy bar.
Temirjol jelisi damyǵan elderdiń elimizge geografııalyq jaǵynan jaqyn ornalasýy nazarǵa alynǵan. Temirjol dońǵalaqtaryna degen suranysyn arttyrady. Sheteldik naryqqa da jiberý josparlanýda.
Kásiporyn jylyna 200 myń dóńgelekterin jasap shyǵarýdy josparlaýda.
– Bul óndiris buryn Qazaqstanda bolmaǵan. Buǵan deıin temir jol quramdaryna qajetti dońǵalaqtardy ımporttap kelgen edik. Osy tektes óndiristerdiń iske qosylýyn kóp kúttik. Bul - elimizdegi ındýstrııalandyrý baǵytyndaǵy mańyzdy qadam, - dep Elbasy bıylǵy telekópir barysynda jaqsy baǵa berdi.
О́ndiris mamandarynyń aıtýlarynsha, 700 mm-den 1 250 mm deıingi ártúrli dıametrler men konstrýksııalardaǵy bólikter temir jol dońǵalaqtaryna shyǵarady. Sehtarda ornatylǵan joǵary tehnologııaly jabdyqtar dóńgelekterdiń sapaly jasalýyna múmkindik beredi.
Dońǵalaqtardyń sapasy avtomattandyrylǵan ýltradybystyq jáne magnıtti-untaqtyq baqylaý jáne barlyq elementter boıynsha qattylyǵyn ólsheý qondyrǵylarynda baqylanady.
Aldaǵy 2019 jyldyń birinshi jarty jyldyǵynda kásiporyn tolyq iske qosylady.
Farıba BYQAI,
«Egemen Qazaqstan»
EKIBASTUZ
