Almaty qalasyndaǵy Jetisý aýdanynyń kishkentaı turǵyndary Jańa jyl qarsańynda túrli syılyqtarǵa keneldi. Baldyrǵandarǵa aıryqsha qýanysh syılaǵan ıgi bastamaǵa jergilikti ákimdik muryndyq bolǵan. Túrli syı-sııapattar eń aldymen áleýmettik turǵydan az qamtylǵan otbasylardyń balalaryna taratyldy. Uıymdastyrýshylar arnaıy tizim boıynsha úı-úıdi aralap, balalardyń ónerin tamashalap, bazarlyqtaryn úlestirdi. Osylaısha bas kıim, qolǵap, neshe túrli táttilerge toly qorapshalar men kádesyılar óz ıelerin tapty. О́renderdiń bal-bul jaınaǵan júzinen shattyqtyń lebi esedi.
Bıyl bul shara alǵash ret qolǵa alynyp otyr. Budan bólek, Pervomaı shaǵyn aýdanyndaǵy Mádenıet úıinde merekelik shyrsha sharasy ótti. Oǵan turmys jaǵdaıy tómen otbasylardan shyqqan 100 bala shaqyrtylǵan.
«Jetisý aýdany boıynsha 165 az qamtylǵan otbasy bar. Sol otbasylarda 241 bala tirkelgen. Nıetimiz – birde-bir balany nazardan tys qaldyrmaý. Bala – eldiń bolashaǵy. Ásirese jaǵdaıy tómen otbasynda tárbıelenip jatqan balalar men ata-ana qamqorlyǵynan aıyrylǵan jetkinshekterge únemi qoldaý kórsetýimiz kerek», deıdi Almaty qalasy Jetisý aýdany ákiminiń orynbasary Vıacheslav Vavılın.
Arman OKTIаBR,
«Egemen Qazaqstan»
ALMATY
