Elektrobýstar men avtobýstardy satyp alýǵa 412 mıllıon teńge bólinbek. Kólikter Qostanaı zaýytynda shyǵarylǵan. Oblys ortalyǵyna Astana kúnine deıin jetkizilý josparlanýda. Qalalyq ekonomıka jáne bıýdjettik josparlaý bóliminiń málimetinshe, aldaǵy jylǵa arnalǵan bıýdjettiń jalpy kólemi 78,3 mlrd teńgeni quraıdy.
Iаǵnı, áleýmettik saladaǵy is-sharalardy qarjylandyrýǵa 20 mlrd teńge, qurylys salasyna 17,4 mlrd teńge, al, Turǵyn úı-kommýnaldyq sharýashylyq salasyna 10 mlrd teńge bólinbek.
Sonymen birge, oblys ortalyǵyndaǵy 2-shi Pavlodar bóligine qubyr jelilerin salý jumystary bastalady. Josparǵa sáıkes, Sıbırskaıa, Habarovskaıa, Súleımenov, Dalnevostochnaıa jáne Derov kóshelerinde qubyrlar salynady.
Al, qala ákimi aıtqan jańa avtobýstardyń oblys ortalyǵyna qaraı kele jatqany qala turǵyndary úshin jańalyq emes. Eski avtobýstarmen júrýden sharshaǵan turǵyndar Á. Kúmpekeev aıtqan jańa avtobýstardyń qala kóshelerinde turaqtap qalýyn kútedi. О́ıtkeni, 2016 jyly oblys ortalyǵydaǵy №1 avtobýs parki JShS-in jekeshelendirý barysynda 36 jańa avtobýs satyp alǵan bolatyn.
Biraq, kóp uzamaı jańadan berilgen avtobýstar baǵyttardan alynyp tastalǵany da bar. №1 avtobýs parki JShS jekeshelendirý aıasynda jekeniń qolyna ótti. Kásipker óz mindetterin oryndaı almaǵan soń, park qaıtadan memleketke qaıtqan-dy.
Farıda BYQAI,
«Egemen Qazaqstan»
PAVLODAR
