Ereksheligi sol, Jańa jyldyń bas keıipkerleri qar men muzdan emes, aǵashtan jasalǵan. Iá, Altaıdyń aǵashynan. Tamasha týyndynyń avtory – jergilikti sheber Ivan Kýrtýkov. «Aıaz ata men Aqshaqardy jasap shyǵý ońaıǵa túsken joq. Laıyqty materıal tabý qıynǵa soqty. Osy rette Maleev aýyldyq okrýgi kómekke kelip, synǵan terek taýyp berdi. Týyndysy sátti shyǵýy úshin Ivan kún, tún demeı, bir jarym-eki aı ter tókti. Aıaz atanyń bıiktigi 2 jarym metr, salmaǵy 700 keli tartsa, Aqshaqardyń boıy 2 metr, 300 santımetr, salmaǵy – jarty tonna», - deıdi sheberdiń jubaıy Iýlııa Kýrtýkova.
Altaıdaǵy Aıaz ata men Aqshaqardyń taǵy bir ereksheligi, tabıǵı qalpynyń saqtalǵanynda. «Aǵashtyń tabıǵı kórkemdigin saqtaý maqsatynda ońdy-soldy boıaýdan bas tarttyq. Tek lakty azdap paıdalandyq», - deıdi músinshi Ivan Kýrtýkov.
Altaı aýdany ákiminiń orynbasary Janna Asqarqyzy terekten bederlengen erekshe músinder aýdan ákiminiń tapsyrysymen jáne jaramsyz aǵashtardy ysyrap etpeı, kádege jaratý maqsatynda jasalǵanyn aıtady. «Shyrshanyń shamyn keshe saltanatty túrde jaqtyq. Turǵyndar dán rıza. Týyndyny tamashalaýǵa kelip jatqan jurt kóp», deıdi ol.
Azamat QASYM,
«Egemen Qazaqstan»
Shyǵys Qazaqstan oblysy, Altaı aýdany
