Memleketter basshylary eki jaqty yntymaqtastyqtyń ózekti máseleleri men perspektıvalaryn talqylap, bıyl Qazaqstan men Ýkraına arasyndaǵy baılanystardyń jandana túskenin atap ótti.
Eki el kóshbasshylary Ýkraınanyń ońtústik-shyǵysyndaǵy qazirgi ahýal jóninde pikir almasty. Nursultan Nazarbaev Ýkraına daǵdarysyna qatysty taraptardy syndarly dıalog júrgizip, kelisimge kelýge shaqyrdy, sondaı-aq osy qaqtyǵysty sheshý úshin jan-jaqty qoldaý kórsetýge ázir ekenin aıtty.
Ýkraına Prezıdenti Petr Poroshenko Kerch buǵazy mańynda bolǵan oqıǵa jóninde málimdedi. Osyǵan oraı, Qazaqstan Prezıdenti bul máseleniń Ýkraına men Reseı taraptary arasyndaǵy kelissózder arqyly tezirek sheshilýine nıettestik bildirdi.
Memleketter basshylary aldaǵy ýaqytta da baılanysty jalǵastyra berý jóninde ýaǵdalasty.
Telefon arqyly sóılesýge Ýkraına jaǵy bastamashy boldy.
