Qazaqstan Respýblıkasy Prezıdentiniń Jarlyǵy

Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly

Memlekettik  basqarý júıesiniń tıimdiligin arttyrý maqsatynda QAÝLY ETEMIN: 

1. Qazaqstan Respýblıkasynyń In­vestısııalar jáne damý mınıstrligi: 

1) Qazaqstan Respýblıkasynyń Ulttyq ekonomıka mınıstrligine ınvestısııalardy tartý jónindegi memlekettik saıasatty qalyptastyrý salasyndaǵy;

2) Qazaqstan Respýblıkasynyń Syrtqy ister mınıstrligine ınvestısııalardy tartý jónindegi memlekettik saıasatty iske asyrý salasyndaǵy fýnksııalary men ókilettikteri berile otyryp ózgertilip,  Qazaqstan Respýblıkasynyń Indýstrııa jáne ınfraqurylymdyq damý mınıstrligi bolyp qaıta uıym­dastyrylsyn. 

2. Mynalar:

1) Qazaqstan Respýblıkasynyń Syrt­qy ister mınıstrligi eksportty ilgeriletý salasyndaǵy qyzmetti úıles­tirýge jaýapty;

2) memlekettik organdar beriletin fýnk­sııalar men ókilettikterge sáıkes qaıta uıymdastyrylatyn memle­kettik organnyń quqyqtary men min­det­temeleriniń quqyqtyq mırasqorlary bolyp belgilensin.

3. Qazaqstan Respýblıkasynyń Úki­meti:

1) Qazaqstan Respýblıkasy Inves­tı­sııalar jáne damý mınıstrliginiń Investısııalar jónindegi komıtetin Qazaqstan Respýblıkasy Syrtqy ister mınıstrliginiń qaramaǵyna berýdi;

2) qaıta uıymdastyrylatyn mem­le­kettik organnyń tıisti shtat sanyn berýdi; 

3) Qazaqstan Respýblıkasynyń Syrt­qy ister mınıstrligine «Kazakh Invest» ulttyq kompanııasy» aksıonerlik qoǵamynyń aksııalar paketin ıelený jáne paıdalaný quqyqtaryn  berýdi;

4) osy Jarlyqty iske asyrý boıynsha ózge de sharalardyń qabyldanýyn qamtamasyz etsin.

4. «Qazaqstan Respýblıkasy Úkime­tiniń qurylymy týraly» Qazaqstan Res­pýblıkasy Prezıdentiniń 1999 jylǵy 22 qańtardaǵy №6 Jarlyǵyna mynadaı ózgeris engizilsin:

 «Qazaqstan Respýblıkasynyń In­vestısııalar jáne damý mınıstrligi;» degen jol mynadaı redaksııada jazylsyn:

«Qazaqstan Respýblıkasynyń In­dýstrııa jáne ınfraqurylymdyq damý mınıstrligi;».

5. Osy Jarlyqtyń oryndalýyn baqylaý Qazaqstan Respýblıkasy Pre­zıdentiniń Ákimshiligine júktelsin.

6. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti 

N.Nazarbaev

Astana, Aqorda, 2018 jylǵy 

26 jeltoqsan  № 806