IMEI-kod tirkeý uıaly telefon urlyǵyn azaıtýdy kózdeıdi

Uıaly telefondardy IMEI-kod boıynsha tirkeý arqyly qoǵamdyq pikirge baqylaý júrgizý kózdelgen be? Búginde osy máseleniń halyq ara­synda qyzý talqyǵa túsip jat­qany belgili. Onyń mán-jaıyn Telekommýnıkasııalar komıteti tóraǵasynyń mindetin atqarýshy V.Iаroshenko bylaı túsindiredi:

−Shynyn aıtqanda, keı­bi­reýler uıaly telefondardy zańǵa qarsy qural retinde de qoldanyp otyrǵanyn bilemiz. Máselen, uıaly telefonyńyz urlansa, Ishki ister mınıstrligine baryp aryz jazasyz. IIM qyzmetkerleri osydan keıin telefonyńyzdy tabý úshin tergeý amaldaryn júrgizedi. Bul rette telefondy tirkeý quqyq qorǵaýshylardyń jumysyn aıtarlyqtaı jeńildetedi. 

Onyń aıtýynsha, atalǵan júıe urlanǵan telefondy qoldanýǵa múmkindik bermeıdi. 

− Qarapaıym tilmen aıt­qan­da, urlaǵan adam uıaly telefo­ny­ńyzdan sım-kartany alyp shy­ǵyp, óziniń sım-kartasyn sal­sa, telefon jumys istemeı qalady. Bul jerde memleket tara­py­nan jahandyq nemese jappaı ba­­qy­­­laý týraly áńgime bolyp otyr­ǵan joq. Munyń bári de osy qu­ryl­ǵyny izdeý jolyn je­ńildetý úshin jasalýda. Iаǵnı, JSN-dy jınaý azamattardyń bar­­lyǵyn baqylaý úshin jasal­maı­dy. JSN-derdi tirkeý, keri­sinshe, azamattardy qorǵaý úshin júrgizilip otyr. Sebebi óz JSN-ińizdi ataý arqyly sım-karta da, qurylǵy da óz ıesine tirkeledi, − dedi ol. О́z kezeginde IIM Qyl­mys­tyq isti tekserý polısııasy depar­tamen­tiniń basqarma basshysy Nur­jan Rahmetýllaev elimizdegi ur­lyq­tyń 23 paıyzy uıaly telefon ur­lyǵyna qatysty ekenin atap ótti. 

− 2019 jyldyń 1 qańtary­nan bastap bul zań kúshine engen soń, biz uıaly telefon urlyǵy degen problemadan aýlaq bolamyz. Bul júıe bizdiń jumysymyzdy edá­ýir jeńildetetin bolady. Osy jyl­dyń ózinde 38 myńnan as­tam uıaly telefon urlanyp, onyń ishin­de, 13 myń telefon ǵana esepten shy­ǵaryldy, − dedi N.Rah­metýllaev.

Qazirgi tańda urylar uıaly telefondy urlaýdyń san túrin meńgerý arqyly ony ońaı júzege asyrady da kóp jaǵdaıda satyp jiberedi. Tipti urlanǵan telefonmen qylmys jasaıtyndar da bar­shylyq. Buǵan qosa qazirgi bazar­lar men qala kóshelerinde sım-kar­ta satýshylardyń da sany art­qan. Atalǵan júıeni iske qosý arqyly uıaly baılanys salasyn­daǵy júgensizdiktiń aldyn alý kózdelip otyr. 

Búginde elimizdegi uıaly tele­fondardyń 80 paıyzy IMEI-kody boıynsha tirkeýden ótken. 

− Qazirgi tańda barlyq uıaly baılanys operatorlary jeli­lerinde tirkelgen abonentterdiń sany jalpy kórsetkishtiń 80 pa­ıy­zynan asady. Barlyq abonent­terimizge bul rásimdi ońaı jáne qo­laıly tásildermen júrgizý úshin barynsha jaǵdaı jasadyq. Telefonyńyzda juldyzsha − 660 – tor qysqa nómirine qońyraý sha­lyp, berilgen nusqaýlar boıynsha nómirińizdi tirkeýge bolady. Eger bul abonentter shetelde bolatyn bolsa, olar ýatsap, telegramm qosymshalaryndaǵy arnaıy arnalar arqyly nómirlerin tirkeı alady, – deıdi «Ksell» AQ memlekettik organdarmen jumys atqarý baǵytyndaǵy sarapshysy Aslan Abjaqov. 

Jıynda belgili bolǵandaı, 1 qańtarda abonenttik qurylǵyǵa qoıylǵan sım-kartany avtomatty túrde tirkeý júrgiziledi. Sol ýaqytqa deıin qoldanýshy ózi týraly málimetti tolyq be­rýine múmkindik bar. Al jańa jyl­dan keıin belgili bir málimet­ti ózgertý qıynǵa túsýi múmkin. V.Iаroshenkonyń aıtýyna qa­raǵanda, adamdar áli kúnge deıin tirkelmegen sım-kartamen júr. Biraq 1 qańtardan bastap sım-kar­ta­lardyń bári de qurylǵylarǵa baı­lanystyrylady. Mine, son­dyqtan uıaly baılanys operator­lary qazirgi tańda qyzmet kór­setetin qoldanýshylardyń máli­met­ter bazasyn jańartyp jatyr.

Erkejan AITQAZY,

«Egemen Qazaqstan»