Mereke qarsańynda muzdan jasalǵan kompozısııanyń aldyńǵy bóliginde mıkrofon ustaǵan Dımashtyń músini men qanattaryn jaıǵan aqqýlar beınelengen. Kompozısııa avtory – kókshetaýlyq músinshi Manarbek Burmaǵanov. Ənshiniń shyǵarmashylyǵynan, əsirese onyń Reseıde oryndaǵan «Qaljyraǵan aqqýlardyń sezimi» əninen shabyt alǵan músinshi óz qurmetin osylaı bildirgisi kelgen.
Ortalyq alańda jasandy alyp shyrsha ornatylyp, muzdan ertegiler qalashyǵy turǵyzylýda. Balalardyń ǵana emes, eresekterdiń de nazaryn aýdaryp, eriksiz tańdaı qaqqyzatyn móldir muzdan jasalǵan janýarlar men ertegi keıipkerleriniń beınesin jasaý mindetin Sýretshiler odaǵynyń músheleri, kəsibı qylqalam sheberleri Vıtalıı Glýhov, Iýrıı Fedorov jəne Vladımır Novgorodsev qolǵa alypty. Olardyń qoldarynan shyqqan ańdar men ertegi keıipkerleriniń beınesi kóz tartady. Kúnniń sýyqtyǵyna qaramaı, óz jumystaryna berile kirisken sýretshiler muzǵa jan bitirip, kórkem beınelerdi jasaýda.
– Jańa jyl túni munda adamdar kóp keledi. Balalardy ǵana emes, eresekterdi de ertegiler əlemine eliktirip tartatyn beıneler jasaý arqyly jurtshylyqqa qýanysh syılasaq deımiz, – deıdi sýretshi Vıtalıı Glýhov.
Baıqal BAIÁDIL,
«Egemen Qazaqstan»
KО́KShETAÝ
