«Mektebime taǵzym» sharasy boıynsha mektep bitirgen túlekterdiń demeýshilik kórsetýleri barysynda 309,0 mıllıon teńgege 298 mektepke kómek jasaldy.
Jalpy, mektepterde 50-den asa «Rýhanı jańǵyrý» kabınetteri ashyldy. Ár mektepte «Asyq oıyndary atý» seksııasy jumys jasaýda.
Sonymen birge, oqý baǵdarlamasyna saı «О́lketaný» oqýlyǵy qurastyryldy. Oqýlyq 29946 danamen basyldy. Aldaǵy jyly mektepterde oqytyla bastaıdy.
Balalar beıneleý óneri mektepteriniń tárbıelenýshileri «Ertis óńiriniń sakraldy jerleri balalardyń kózimen» atty joba sheńberinde 70-ten asa sýret saldy.
Oblystyq tilderdi damytý basqarmasy «Rýhanı jańǵyrý» baǵdarlamasy sheńberinde qazaq tiliniń latyn grafıkasyna satylap kóshý boıynsha 4 jastan 6 jasqa deıingi balalarǵa arnaıy «Àlippe» elektrondyq oqýlyq keshenin jasaýda.
Al, «Jańa gýmanıtarlyq bilim. Qazaq tilindegi 100 oqýlyq» atty jobany iske asyrý maqsatynda tarıh, fılosofııa, saıasattaný, áleýmettaný, mádenıettaný, psıhologııa pánderi boıynsha stýdentterge bilim berýde.
Qazaq tiline aýdarylǵan jańa 7235 oqýlyqpen qamtamasyz etilgen
«Tarıh tolqynynda» jobasy boıynsha mektepteriniń saıttarynda vırtýaldy mýzeıler ashylýda. Bul baǵytta 216 fotoalbom, kitaptar shyǵarylyp, 46 qysqa metrajdy fılm ázirlendi.
Oblystaǵy kitaphanalarda 25 kovorkıng-ortalyǵy ashyldy.
О́ńirdegi Ekibastuz qalasynyń aýyldyq aýmaǵynda, Aqtoǵaı, Ertis, Baıanaýyl, Jelezın, Maı, Pavlodar jáne Sharbaqty aýdandarynda keshendi zertteýler uıymdastyrylyp, 67 sakraldy nysandar ǵylymı túrde belgilendi.
Oblystyń sakraldy jerleriniń kartasyna 41 nysan endi.
Keshendi zertteýler qorytyndysy boıynsha oblystyń sakraldy nysandary týraly ǵylymı-kópshilik fılmi túsirildi.
О́ńirde Máshhúr Júsiptiń, Shákárim atamyzdyń 160-jyldyǵy, Musa Shormanovtyń 200, Buhar Jyraýdyń 350, Estaı Berkimbaevtyń 150, S.Toraıǵyrovtyń 125 jyldyǵy «Uly dala» etno festıvalinde 5 kishi aýylǵa bólinip, atalyp ótti. Sonymen birge, «ERTIS CINEMA» qysqa metrajdy kınolar men derekti fılmderdiń I Halyqaralyq festıvali ótti.
Elbasynyń «Rýhanı jańǵyrý» maqalasynda aıtylǵan «Jahandyq álemdegi qazaqstandyq zamanaýı mádenıet» atty arnaıy jobasy boıynsha
I.Baızaqov atyndaǵy oblystyq fılarmonııanyń sımfonııalyq orkestri Italııanyń Rım, Neapol, Mılan, Florensııa, Barı, Genýe, Týrın qalalarynda 22 gastroldik konsert ótkizdi.
Bıyl oblys ortalyǵyndaǵy Ertis ózeni jaǵasynda amfıteatr salynyp, jazǵy ýaqytta «Ertis Promenade demalys kúnderi mádenı-sharalar ótkizdi.
Farıda BYQAI,
«Egemen Qazaqstan»
PAVLODAR
