О́tken jyldyń osy kezeńimen salystyrǵanda teri leıshmanıozy 5,14 ese, jiti ishek juqpaly aýrýlar 1,2 ese, tynys alý organdarynyń týberkýlezi 27,9%, ehınokokkoz 19,9%, enterobıoz 22,4%, brýsellez 6 jaǵdaıǵa, Qyrym qandy gemmoragııalyq qyzbasy 3 jaǵdaıǵa, menıngokokk juqpasy 2 jaǵdaıǵa tómendegen.
Túrkistan oblysy Qoǵamdyq densaýlyq saqtaý departamentiniń basshysy Nurbek Nyshanovtyń aıtýynsha, profılaktıkalyq egýlerden bas tartýdyń aldyn alý jónindegi is-sharalar men túsindirý jumystarynyń nátıjesinde 109 bas tartýshyǵa vaksınasııa jasalynǵan. Oblys boıynsha 2018 jylǵa jergilikti bıýdjet qarjysynan tumaýǵa qarsy 201000 «Grıppol+» vaksınasynyń dozasy alynǵan. Tumaýǵa qarsy egýmen oblys turǵynynyń 10,2%-y qamtylypty. Sonymen qatar, jumys berýshiniń esebinen 1549 jumysshy egilgen. «Qoǵamdyq densaýlyq saqtaý departamentimen ónimderdiń qaýipsizdigin monıtorıngileý sheńberindegi jospar-kestege sáıkes, 12 aı kóleminde 3346/177 (5,2%) ónimderdiń synamalary tekserildi. Talapqa saı kelmeıtin ónimderdiń 65-i (38,2%) –qazaqstandyq, 86-sy (50,5%) - Eýrazııalyq ekonomııalyq odaqqa múshe memleketterdiń ónimderi, 19-y (11,1%) - basqa memleketterdiń ónimderi.
Tehnıkalyq reglamentter talaptaryna sáıkes kelmeıtin ónimder boıynsha saýda oryndaryna Halyqtyń sanıtarııalyq-epıdemıologııalyq salamattylyǵy salasyndaǵy Qazaqstan Respýblıkasy zańnamasynyń talaptaryn buzýshylyqtary boıynsha 86 uıǵarym berilip, 31 hattama toltyryldy, 1178450 teńgege aıyppul salyndy. Berilgen uıǵarymnyń ýaqytyly oryndalmaýyna baılanysty 4 qujattar rásimdelip sotqa ótkizilip, qaýlyǵa sáıkes 817700 teńgege aıyppul salyndy» , -deıdi Nurbek Nyshanov.
Ǵalymjan ELShIBAI,
«Egemen Qazaqstan»
Túrkistan oblysy
