Jalpy, áleýmettik pavılondar ózderin tek jaqsy qyrynan tanytýda. Búgingi kúnde olar baǵanyń negizsiz kóterilýimen jáne belgili bir maýsymdyq taýarlardyń tapshylyǵymen kúresýdiń tıimdi quraly bolyp otyr.
– Jańa pavılondar ashý – satyp alýshylardy keń kólemde qamtýǵa múmkindik beredi. Sondaı-aq, jergilikti taýar óndirýshilerge óz ónimderin deldalsyz, tómen jáne qoljetimdi baǵamen satýǵa jol ashady, deıdi Qaraǵandy oblystyq kásipkerlik basqarmasynyń jetekshisi Tatıana Ablaeva.
Sonymen qatar ol oblysta 2019 jylǵa arnalyp turaqtandyrý qory qurylǵanyn, oǵan 68 tonna kúrish, 68 tonna qaraqumyq, 204 tonna qant jáne 48 myń lıtr kúnbaǵys maıy jetkizilgenin málim etti. Bul ónimder áleýmettik mańyzy bar taýarlardyń baǵasyn bir deńgeıde ustap turý úshin joǵaryda aıtylǵan pavılondarda turaqty baǵamen satylatyn bolady.
Qaırat ÁBILDA,
«Egemen Qazaqstan»
Qaraǵandy
