Qaraǵandy boks mektebiniń túlegi Gennadıı Golovkın «Jyldyń eń úzdik jekpe-jegi» jáne «Jyl oqıǵasy» atalymdary boıynsha úmitkerler tizimine enip otyr. Jerlesimizdiń osy eki syılyqtyń birin ıelenýge múmkindigi mol. Sebebi, ústimizdegi jyldyń qyrkúıek aıynda qazaqstandyq Gennadıı Golovkın men meksıkalyq Saýl Alvares arasynda AQSh-ta ótken kezdesýdi san mıllıon kórermen erekshe qulshynyspen tamashalady.
«Jyldyń» eń úzdik boksshysy» ataǵynan Saýl Alvares, Taıson Fıýrı, Vasılıı Lomachenko, Naoııa Inýe jáne Aleksandr Ýsık syndy sańlaqtar úmitti.
«Jyl nokaýty» ataǵynan úmitkerler tiziminde Aleksandr Ýsık – Tonı Belıý, Dıllıan Ýaıt – Lýkas Braýn, Djermall Charlo – Ýgo Senteno, Naoııa Inýe – Hýan Karlos Paııano jáne Teofımo Lopes – Meıson Menard arasyndaǵy jekpe-jekter bar.
«Jyl bapkeri» ataǵyn Ben Deıvıson, Robert Garsııa, Shıngo Inýe, Anatolıı Lomachenko jáne Eddı Reınoso syndy maıtalman mamandardyń biri ıelenedi.
«Jyldyń jas boksshysy» atalymy boıynsha úmitkerler qatarynda Mýrodjon Ahmadalıev, Djoshýa Býatsı, Djaron Ennıs ı Teofımo Lopes jáne Fılıp Hrgovıch syndy saıypqyrandar bar.
Ǵalym SÚLEIMEN,
«Egemen Qazaqstan»
