Bıylǵy maýsymda elorda komandasy 14 oıyn ótkizdi. Chempıondar lıgasynda 6 match, Eýropa lıgasynyń pleı-off kezeńinde 2 oıyn jáne toptyq kezeńde 6 kezdesý ótkizdi. Jalpy 6 kezdesýde jeńiske jetse, 3 oıynda teń ústi. Al 5 matchta qarsylastaryna ese jiberdi.
Ár matchtan keıin oıynshylardyń statıstıkalyq saraptamasyn júrgizip otyratyn Instat kompanııasy bıylǵy maýsymda «Astananyń» qorǵaýshysy Marın Anıchıchti úzdik oıynshy dep tanydy. Anıchıch 14 oıynnyń 12 matchyna qatysyp, bir gol soqqan. Sondaı-aq Astanada «Renn» komandasyna qarsy ótken oıynda ol áriptesterine 87 paıyz dál pas bergen. Ekinshi oryn bıyl Qazaqstan fýtboly úshin «jyl jańalyǵy» bolǵan 20 jastaǵy Baqtııar Zaınýtdınovke buıyrdy. Úzdik úshtikti vengrııalyq jartylaı qorǵaýshy Laslo Klıaınhaısler túıindedi.
Álı BITО́RE,
«Egemen Qazaqstan»
