900 000-nan astam jeńimpaz ben 1 mıllıardtan astam teńge júldeli tólemder. Qazaqstandyq ulttyq lotereıa operatory «Sátti Juldyzdyń» 2018 jyldaǵy bastapqy nátıjeleri osyndaı. Elimizdegi jańa mıllıonerlerdiń sany qarqyndy túrde ósip keledi.
«Bul jyl bizge negizimizdi qalaýshy jáne óte mańyzdy boldy. Osy jyldyń naýryz aıynda biz ózimizdiń negizgi ortalyq júıemiz − «AEGIS»-ti tolyq kólemde iske qostyq. Sol sátten bastap elimizdegi qazirgi lotereıanyń esebi bastaldy dep aıtsa da bolady», − dep bólisti «Sátti Juldyz» AQ prezıdenti Aleksandr Ten.
2018 jyly «Sátti Juldyz» AQ negizgi «AEGIS» IT-júıesinde lezdik lotereıanyń 3 túrin jáne tırajdyq lotereıanyń 4 túrin iske qosty. Lotereıalyq esep berý ortalyǵy dep atalatyn apparattyq-baǵdarlamalyq keshen Retteýshige naqty ýaqyt rejiminde satylyp jatqan lotereıa bıletteri jaıly aqparatty alyp otyrýǵa múmkindik beredi. Qazaqstan Respýblıkasy Mádenıet jáne sport mınıstrligi tulǵasyndaǵy memlekettik retteýshi, arnaıy qurylǵan IT-ınfraqurylym kómegimen respýblıka boıynsha barlyq lotereıa bıletteriniń satylymyn tutastaı baqylap, sáıkesinshe qazaqstandyq bıýdjetke túsetin kiris pen jeńimpazdarǵa utystardyń tólenýin qadaǵalap otyrady.
«LOTO 6/49», «KENO», «777» tırajdyq oıyndary jáne «Jomart 3» pen «777» lezdik lotereıalary naýryz aıynda iske qosyldy, 25 sáýir kúni ónim qorjyny «3 Almaza» lezdik lotereıasymen tolyqtyryldy, al Jańa jyl qarsańynda qazaqstandyqtarǵa jańa «TeleBingo» oıyny usynyldy. Tolyq emes bir jyl ishinde lotereıa 2 mıllıardtan astam teńgege bıletter satqan. Kompanııanyń aıtýy boıynsha, tabystyń syry oınatylymdardy ótkizýdiń aıqyndyǵy jáne eń mańyzdysy − ınnovasııalyq tehnologııalarda jatyr. Aıta ketetin jaıt, «Sátti Juldyz» oınatylymdarynyń adaldyǵy men kezdeısoqtyǵyn álemdegi eń bedeldi 2 lotereıalyq qaýymdastyq – Eýropalyq ELA jáne dúnıejúzilik WLA rastady.
Lotereıa qaýymdastyqtarynyń negizgi talaptarynyń biri bolyp kompanııanyń áleýmettik jaýapkershiligi tabylady. 2018 jyly «Sátti Juldyz» ulttyq lotereıa operatory Sportty damytý qory men Ulttyq olımpıada komıtetine oıynnyń jalpy tabysynyń 15%-y kólemindegi maqsatty aýdarymdardy aýdardy.
«О́zderińiz biletindeı, zań boıynsha satylym men júlde qory arasyndaǵy aıyrmashylyqtyń 10%-y sportty damytýǵa aýdarylýy kerek. Bizdiń kompanııa ózine kóterińki mindettemeler alyp, 15% aýdarady. Qazirdiń ózinde 50 mıllıon teńgeden asa soma aýdaryldy, al 2018 jyldyń nátıjesi boıynsha bul san 70 mıllıon teńgeden asady dep oılaımyn», − dep málimdedi Aleksandr Ten.
Lotereıa salasyndaǵy 2 jylǵa jýyq úzilis Qazaqstan boıynsha myńdaǵan lotereıa bıletterin taratýshylardyń jumys oryndaryn aýystyrýyna áser etti. Jańa «Sátti Juldyz» lotereıa operatorynyń paıda bolýymen olardyń kóbisi burynǵy jumystaryna, tek basqa kompanııaǵa qaıta oralýda. Qazaqstanda lotereıa naryǵynyń damýymen osy salada jumyspen qamtamasyz etilgen halyqtyń da sany artty. Shamamen 3000 qazaqstandyq azamat lotereıa salasynda qyzmet etedi, sonyń arasynda shaǵyn jáne orta bıznes ıeleri de bar.
«Sátti Juldyz» AQ prezıdenti Aleksandr Tenniń sózine súıener bolsaq, 2018 jyl Ulttyq lotereıa operatory úshin tabysty boldy. Kelesi jyly kompanııanyń ónim qorjynyn tolyqtyrýlar jáne qazaqstandyqtarǵa tólenetin tólemder mólsheriniń birneshe ese kóbeıýi de kútilýde.
