Nursultan Nazarbaev Ortalyq Azııadaǵy 5 memleket taǵdyrlas qana emes, qany da, jany da bir ekenin, bıylǵy Astanadaǵy kezdesýdiń jemisti bolǵanyn aıtty. Jıyn nátıjesi boıynsha kórshiles О́zbekstan, Qyrǵyzstanmen qarym-qatynas jaqsaryp, aldaǵy jylǵa naqty josparlar qurylǵanyn habarlady.
«О́zbekstan prezıdenti Shavkat Mırzııoevpen sóılestim. Qazir olardyń jaǵdaıy qıyn, jańa basshy memleketti tyǵyryqtan alyp shyǵýǵa tyrysyp jatyr. О́z kezegimde men de qoldap, kómektesemin. Keler jyly Ortalyq Azııa memleketteriniń basshylary Tashkentte bas qospaq. Osy tusta Qazaqstannyń О́zbekstandaǵy mádenı kúnderi atap ótilý josparlandy.
Buǵan deıin eki el arasyndaǵy saýda aınalymy 1 mıllıardqa jetpeıtin. Bıylǵy nátıje 42 paıyzǵa ósip, 3 mıllıard AQSh dollaryna jetti. 2019 jyly bul kórsetkishti 5 mıllıardqa jetkizemiz dep josparlap otyrmyz. Qytaımen birge «Qorǵas» shekara mańy yntymaqtastyq halyqaralyq ortalyǵyn qurǵandaı О́zbekstanmen osyndaı ortalyq qurýdy qolǵa alýymyz kerek. О́ıtkeni О́zbekstan halqynyń sany – 33 mıllıon. Shekaralas memleketpen saýda qatynasyn jaqsartý tıimdi, sebebi memleketter jaqyn, halyq sanynyń kóp bolýy ekonomıkamyzǵa kóp paıda ákelmek», dedi Memleket basshysy Nursultan Nazarbaev.
