Nursultan Nazarbaev shaǵyn jáne orta bızneske baılanysty sharalardyń aldaǵy ýaqytta da belsendi jalǵasatynyn aıtty.
«Osydan 7 jyl burynǵy bastama budan da erterek bastalýy kerek edi, biraq ındýstrııalandyrý saıasatyn júrgizý úshin qarjy jınap alý kerek boldy. Barlyǵy ındýstrııalandyrý, jańa tehnologııa dep jatady, degenmen ony júzege asyrý tek memlekette aqsha bolǵan jaǵdaıda ǵana múmkin bolady, sıfrlandyrý da, jasandy ıntellekt te solaı. Sondyqtan qorda aqsha jınap alǵan soń biz ony birden balamaly ekinshi ekonomıka qurýǵa jumsadyq. Aldyńǵy jylǵa deıin myń kásiporyn, al osy jyly júz kásiporyn paıda boldy, olardyń bári búginde jumys jasap jatyr jáne arasynda shaǵyn kásiporyn da, úlken kásiporyn da bar» - dedi Elbasy.
Sonymen qatar endigi kezekte básekege qabiletti sapaly kásiporyndardyń sanyn kóbeıtý kerek ekenin basa aıtty.
«Bizge qyryq myń adam jumys jasaıtyn úlken kombınattardyń qajeti joq. Bizge orta jáne shaǵyn kásiporyndar kerek, eger onda 50 adam jumys jasasa, bul – óte jaqsy nárse. Sondyqtan biz bul jumysty ári qaraı belsendi túrde jalǵastyramyz. Biraq jumystyń sapasy ózgeretin bolady, burynda kásiporyndardyń neǵurlym kóp bolǵanyn jón kóretinbiz. Al endi bizde básekege qabiletti ónim óndirip, eksporttaýǵa jumys jasaıtyn sapaly kásiporyndar bolýy kerek» - dedi Nursultan Nazarbaev.
