Qazaqstan, Túrikmenstan, О́zbekstan, Qyrǵyzstan, Tájikstan KSRO quramynan shyqqannan keıin ár baǵytta damyp, árqaısy óz jolyn taýyp ketti. Osy memleketterdi bir ortada jınaý maqsatynda memleket basshylarymen Astanada bas qostyq. Kezdesý nátıjeli boldy. Qazaqstan shekaralas memleketterdiń árqaısysymen jospar quryp, ekonomıkalyq yntymaqtastyqty jolǵa qoıdy. Bul úrdis jalǵasyn taýyp, memleket basshylary kelesi jyly Tashkentte jınalady.
Memleket basshysynyń aıtýynsha, kórshiles memlekettermen yntymaqtastyq ekonomıkamyzǵa paıdaly bolmaq. О́ıtkeni shekaranyń jaqyndyǵy taýar tasymaldaý úshin qolaıly. Onyń ústine halyq sanynyń jyl saıyn artýy suranystyń da artýyna alyp keledi.
О́zbekstanmen seriktestigimiz úzdiksiz damyp jatyr. О́zbekstan Qostanaı qalasynda jeńil avtokólik zaýytyn iske qossa, biz kórshi memlekette bankter ashtyq. Memleketimizge gaz tasymaldaý qymbat ekenin bilemiz. Osy oraıda О́zbekstan arqyly tasymaldanatyn gaz baǵasyn 30 paıyzǵa arzandatýǵa kelistik. Endigi kezekte aýyz sý, Aral teńiziniń máseleleri sheshimin tabady dep senemin.
Eki el arasynda ushaq ta, avtobýs ta, poıyz da qatynaıdy. Shymkent-Tashkent baǵytyndaǵy avtoban jumysy aıaqtalyp, qoldanysqa berildi.
Sóz sońynda Nursultan Nazarbaev О́zbekstanmen qatynasymyzdyń damý qarqyny qýantatynyn aıtty.
