Eldiń atyn asqaqtatatyn salanyń biri - óner bolsa, ekinshisi - sport. Mine, oblystyq jáne respýblıkalyq chempıonattardan júldemen oralyp, aýdanymyzdyń abyroıyn asqaqtatqandaryńyz úshin Sizderge aýdan ákiminiń atynan jáne óz atymnan alǵysymdy bildiremin. Jańa 2019 jylda budan da bıik belesterdi baǵyndyryp, Azııanyń, álemniń chempıony bola berińizder! - dedi Beısenbaı Tasbolatuly.
Aıta keteıik, Astana qalasynyń 20 jyldyq mereıtoıyna arnalǵan voleıboldan eresekter arasyndaǵy Túrkistan oblysynyń chempıonatynda I orynǵa qol jetkizgen Maqtaaral aýdanynyń komandasy chempıon atandy. Jarys 10 aıǵa jalǵasyp, Túrkistan qalasynda ótken aqtyq kezeńde maqtaaraldyqtar Túrkistan qalasy men Saıram, Ordabasy, Túlkibas, Báıdibek aýdandarynyń komandalaryn basyp ozdy.
Qaraǵandy oblysy Temirtaý qalasynda sporttyń karate - do shotakan túrinen ótken respýblıkalyq chempıonatta bir jerlesimiz chempıon atansa, taǵy bir jerlesimiz II oryn aldy. Sondaı-aq, 4 sportshymyz III orynnan kórindi.
Al, Shymkent qalasynda karate - do shotkannan ótken taǵy bir chempıonatta 2 jerlesimiz I oryn, 3 jerlesimiz II oryn, 4 jerlesimiz III oryndy alyp, maqtaly ólkeniń abyroıyn asqaqtatty.
Jalpy bıyl maqtaaraldyq sportshylar oblystyq jarystardan 41 altyn, 39 kúmis, 14 qola alsa, Qazaqstan Respýblıkasynyń birinshiligen 32 altyn, 31 kúmis, 18 qola medal ıelendi. Sondaı-aq, álem chempıonatynda bir sportshymyz altynnan alqa taqty. Al, Azııa oıyndarynda 1 altyn, 2 kúmis medal ıegerleri atanyp, sportshylarymyz jyldy tolaǵaı tabyspen aıaqtady.
