– Bıyl qystyń shildesi qatty bolǵaly tur. Ol aqpan aıynyń basyna deıin sozylady. Adamdar saqtanyp júrmese, «aıazda úsip ketipti» degen aqparatty jurt jıi estıtin bolady. О́mir bar da – ólim bar, ólim-jitimnen adamzat qutylǵan emes. Bıyl áıel ólimi jıileıtinin aıtpasqa amalym bolmaı otyr, perzenthanalarda ana ólimi bolady. Shyǵys Qazaqstan, Qaraǵandy, Qostanaı oblystary aýmaǵynda adamdardyń júıke aýrýy jıileıdi. Vırýspen taraıtyn aýrýdan da adamdar biraz zardap shegedi, ásirese balalar, – deıdi Aısulý.
Amandyqta da aldymen maldy, sosyn jandy suraıtyn halyqpyz ǵoı. Kóripkel de sharýa jaǵdaıyn suratpaı aıtty.
– Eger men aýylda tursam, keler jyly qoı men qus ustar edim. Qus óte jaqsy ósetin bolady. Sonymen qatar qoı men sıyr da tólinen jaqsy kóbeıedi. Biraq jylqyda shyǵyn bolady. Ylǵaldyń az túsetinin kórip turmyn. Árıne mundaıda aýyl sharýashylyǵynda ózekti máselelerdiń sheshimin kútetinin jurt mensiz de biler. 2019 jyly kıikke de asa jeńil jyl bolmaıdy. Áıtse de kıiktiń ólim-jitimin burynǵydaı kóktemde emes, jyldyń aıaǵynda estıtin bolamyz. Elimiz jalpy, tabıǵı apattardan aman bolady.
– Iá, el irgesi tynysh bolsa, tóten apattan aman bolsa, qoı da óser, dala qylquıryqsyz qalmas, – deımiz biz.
– Jalpy, elde mamyrajaı, tynysh ómir saqtalady, sondaı bir yńǵaısyz, aýyr jaǵdaı kórip turǵanym joq. Keler jyly jerge qatysty másele taǵy da kóteriledi. Qazir adamdardy jıi oılantatyn dollar baǵamy týraly aıtsam, ol qubylyp, bir deńgeıde turmaıdy, biraq 378-379 teńgeden ári aspaıdy. Aılyq jalaqyda kidiris joq, biraq kóteriletini de kórinbeıdi. Jyljymaıtyn múlik qymbattaıdy.
– Tórtkúl dúnıeni alaqanymyzdan kórip otyrǵan zaman ǵoı. Halyqaralyq jaǵdaı qalaı bolar eken?
– Aldaǵy jyly alpaýyttar arasyndaǵy «ekonomıkalyq soǵysta» Amerıka men basqa elderdiń túsinisýin kórip turǵan joq, másele sol kúıinshe qalady. Shyǵys Azııa elderi jaǵynda sý kóteriledi. 2019 – ózimizdiń elde jaqsy úmit jeteleıtin jyl bolady.
Názıra JÁRIMBET,
«Egemen Qazaqstan»
QOSTANAI
